ကျေးဇူးတင်လွှာ


ဒီစာမျက်နှာလေးဖြစ်မြောက်ဖို့ တစ်ဖက်တစ်လမ်းက ကူညီပေးကြတဲ့
ဘလော့ဂ်စာမျက်နှာပေါ်က စီနီယာတွေအားလုံး ဂျူနီယာတွေအားလုံး
ဘလော့ဂ်ချစ်သူတွေအားလုံးကို ကျေးဇူးအထူးတင်ကြောင်း ပြောပါရစေ။
အောင်မြေ စာမျက်နှာမှာ ခဏတာရောက်ခဲ့ကြတဲ့ မိတ်ဆွေများအတွက် တစ်ခုလေးလောက် အမှတ်တရဖြစ်သွားခဲ့ရင် ပီတိဖြစ်ရပါတယ်။
ဒီအတွက် ပင်ပန်းရ၊ ကြိုးစားရ တာတွေက ပျော်ရွှင်မှုကို ဖြစ်စေပါတယ်။ ဆုရည် ကြိုးစားနေပါတယ်လို့ ….

Welcome to Aung Myay Blog Welcome to Aung Myay Blog Welcome to Aung Myay Blog Welcome to Aung Myay Blog

Thursday, July 31, 2008

ဗြဟ္မစိုရ်တရားလေးပါး ( အချစ်ဆိုတာဘာလဲ )

အချစ်အမျိုးအစားများ

အပျို၊ လူပျိုအချစ် = တွေ့မြင် အနားမှာနေရင် ကျေနပ် ချမ်းသာခြင်း။
ဖို၊ မ အချစ် = ထိတွေ့ ကိုင်တွယ် လိင်ဆက်ဆံရရင် ချမ်းသာခြင်း။
သူငယ်ချင်းအချစ် = သူ့အကျိုးကို လိုလားပြီး အတူတူ ကစားရရင် ချမ်းသာခြင်း။
မိဘက သားသမီးအချစ် = ပေးဆပ်ခြင်းဖြင့် ကြီးပွားတိုးတက်လာသည်ကို ချမ်းသာခြင်း။
သားသမီးက မိဘချစ် = အရိပ်ပင်ကြီးရှိ၍ ချမ်းသာခြင်း။
မောင်နှမ အချစ် = ကိုယ်နှင့် သက်ဆိုင်သူဟု ယူဆ၍ ချမ်းသာခြင်း။
ဆွေမျိုး အချစ် = ကိုယ်နှင့် သက်ဆိုင်သူဟု ယူဆ၍ ချမ်းသာခြင်း။
မိတ်ဆွေ = အပြန်အလှန် ကူညီတတ်သော ဆွေမျိုး မတော်သူ။

အချစ်စစ်၏ အင်္ဂါများ (သို့မဟုတ်) ပြည့်စုံသောအချစ်၏အင်္ဂါများ

မေတ္တာ = မရောက်သေးသော ဒုက္ခများ မရောက်အောင် ကြိုတင် ဆောက်ရွက်ခြင်း။
ကရုဏာ = ရောက်နေသော ဒုက္ခများကို ပပျောက်အောင် ၀ိုင်းဝန်း ဆောင်ရွက်ခြင်း။
မုဒိတာ = အောင်မြင် ချမ်းသာ ပျော်ရွှင်သည်ကို တွေ့လျှင် ကြည်နူး ကျေနပ်ခြင်း။
ဥပေက္ခာ = မိမိကို ထိခိုက်စေသည့် ကိစ္စများကို အပြစ်မတင်ဘဲ ခွင့်လွှတ်ခြင်း။

မည်သည့်အချစ်မျိုးမဆို အထက်ပါ အင်္ဂါ(၄)ရပ်နှင့် ပြည့်စုံလျှင် အမှန်တကယ် ချစ်တာပါလို့ သတ်မှတ်ရပါမည်။ မဂ္ဂင်(၈)ပါး၊ (၂၄)ပစ္စည်း နှင့် သတိပဋ္ဌာန်(၄) ပါး ကျွမ်းကျင်မှသာ အထက်ပါ အင်္ဂါလေးရပ် ပြည့်စုံနိုင်ပါသည်။

လူသားအားလုံး အချစ်ရဲ့ အနှစ်သာရကို ခံစားနိုင်ကြပါစေ။
လူသားအားလုံး တကယ်ချစ်တတ်တဲ့သူတွေ ဖြစ်ကြပါစေ။
အချစ်ကြောင့် လောကကြီး သာယာလှပပါစေ။

Monday, July 28, 2008

ကန်တော့ပလ္လင်








ကန်တော့ပလ္လင် ဘုရားသည် ကွမ်းတောင် ပေါက်လိုဏ် လေးဆင့် ဂူဘုရား ဖြစ်ပြီး အေဒီ (၁၂၀၃) တွင် နရပတိ စည်သူမင်း တည်ခဲ့သည်။ ဘုရားမပြီးမီ နရပတီ စည်သူမင်း အနိစ္စ ရောက်သွား သဖြင့် သားတော် နားတောင်း များမင်းက လက်လက် တည်ခဲ့ရာ (၂၆) မတ် (၁၂၂၇) တွင် ပြီးစီးခဲ့သည်။

ကန်တော့်ပလ္လင် ဘုရားအတွင်းရှိ နံရံများကို ထုံးသုတ်ခဲ့ ကြသဖြင့် ဘုရားရှိ နံရံဆေးရေး ပန်းချီများ ပျက်စီး ဆုံးရှုံးခဲ့ရသည်။

ကန်တော့ပလ္လင် ဘုရား၌ မူလက စိန်တန်းများ တစ်လျှောက် တွင် စဥ့်ကွင်းများ အပြည့် ရှိခဲ့ သော်လည်း ယခုတွင် စဥ့်ကွင်း အနည်း ငယ်သာ တွေ့ရ တော့သည်။

ကန်တော့ပလ္လင် ဘုရား၏ အုတ်စီ အုတ်နင်း နှင့် တည်ဆောက်ပုံ ဗိသုကာ လက်ရာ အဆင့် အတန်း မြင့်မား သည်။ ဘုရား၏ အပေါ်ထပ်နှင့် အောက်ထပ် ချင်မိတ် တိုးတန်း အောက်ရှိ ဖောင်းလုံး တန်းကို သဲကျောက် များဖြင့် တည်ဆောက် ထားသည်။ ဘုရား၏ ထောင့်များတွင် ကျင်တွယ်ပုံ ထောင့်ချုပ် ကျောက်တုံးများ ထည့်သွင်း ပြုလုပ် ထားသည်။

ဝန်ခံချက် ။ ပုံတော်များကို www.ancientbagan.com မှ ရယူထားပါသည်။

Thursday, July 24, 2008

ရွှေဂူကြီးဘုရား






ရွှေဂူကြီး


ရွှေကူကြီး ဘုရားသည် ကွမ်းတောင်ပေါက် လိုဏ်တစ်ဆင့်ဂူ ဘုရားကြီး ဖြစ်ပြီး အေဒီ(၁၁၃၁) တွင် အလောင်း စည်သူမင်း အေဒီ(၁၁၁၃-၁၁၆၃) တွင် တည်ခဲ့သည်။ အလောင်းစည်သူ မင်းသည် ပုဂံထီးနန်းကို ဆက်ခံ ပြီးနောက် ရဟန်း သံဃာတော်များနှင့် ညှိနှိုင်း တိုင်ပင်ကာ သာဝတ္တိပြည်၊ ဇေတ၀န် ကျောင်းရှိ ဂန္ဓကုဋီ တိုက်တော်ပုံစံကို အတုယူ၍ နန်းဦးတွင် စေတီ တည်ကာ ရွှေဂူကြီး ဘုရားဟု အမည်ပေးခဲ့သည်။ အလောင်း စည်သူ ထီးနန်းရရှိ ပြီးနောက် ရှေးဦးစွာ တည်သည့် ဘုရားဖြစ်၍ အလောင်းစည်သူ မင်းအား ရွှေဂူဒါယကာ ဟု ခေါ်ကြ သည်။

ရွှေဂူကြီးဘုရားရှိ ကျောက်စာ အရ အလောင်းစည်သူမင်းသည် မြေမှ ပေါက်တက် လာသကဲ့သို့ တင့်တယ် သပ္ပါယ်သော ဤဂန္ဓကုဋီတိုက် ဖြစ်သော ရွှေဂူကို တည်ထားကြောင်း နှင့် ဤရွှေဂူကို (၁၉) ဧပြီ (၁၁၃၁) တွင် စတင်တည်ပြီး (၁၆) ဒီဇင်ဘာ (၁၁၃၁) တွင် ပြီးစီး ကြောင်း ဖော်ပြထားသည်။ ရွှေဂူကြီး ကျောက်စာကို ပါဠိဘာသာ ဂါထာ (၁၀၀) ဖြင့် ရေးထိုး ထားပြီး အဆုံးတွင် သင်္သကရိုက် ဘာသာဖြင့် ရေးထိုးထားသည်။

ရွှေဂူကြီး ဘုရားတွင် အင်္ဂတေပန်း၊ အင်္ဂတေ ဖြင့် ပြုလုပ်ထားသော ရုပ်ပုံအမျိုးမျိုး၊ ဘီလူး ပန်းဆွဲ၊ မုခ်တံကဲ၊ စဥ့်ကွင်းအချို့ နှင့် နံရံပေါင်းကူး (မုခ်ခုံး) များကို လေ့လာနိုင်သည်။

အလောင်းစည်သူ မင်း၏သား နရသူ သည် ဖခင် မကျန်းမမာ ဖြစ်နေစဉ် ဖခင်အား ရွှေဂူကြီး ဘုရား အတွင်းသို့ ရွှေ့ပြောင်းထားပြီး နောက်ပိုင်းတွင် အ၀တ်ဖြင့် ဖိသတ်ခဲ့သည်။ ထို့ကြောင့် ရွှေဂူ ဒါယကာ အလောင်းစည်သူ မင်းသည် မိမိ၏ ကောင်းမှုတော် ရွှေဂူကြီး ဘုရား အတွင်းတွင် နတ်ရွာစံခဲ့ ရသည်။

ဝန်ခံချက် ။ ပုံတော်များကို www.ancientbagan.com မှ ရယူထားပါသည်။

Sunday, July 20, 2008

သီရိမာဝတ္ထု


ဗုဒ္ဓရှင်တော်မြတ်သည် ရာဇဂြိုဟ် ဝေဠုဝန် ကျောင်းတော်၌ သတင်းသုံးတော်မူ သောအခါ သီရိမာ မည်သော ပြည့်တန်ဆာမအိမ်၌ ရှစ်ပါးသော ရဟန်းတို့ကို ကောင်းမွန်စွာ အမြဲလုပ်ကျွေး၏။ ရဟန်းတစ်ပါးသည် သီရိမာ၏ အဆင်း၌ တပ်မက်မောသည် ဖြစ်၍ မစားနိုင်၊ မသောက်နိုင် တမှိုင်မှိုင်၊ တခွေခွေ ဖြစ်နေလေသည်။ သီရိမာ သည်လည်း ထိုခဏ၌ စွဲရောက်လာသော ရောဂါဖြင့် သေဆုံးလေသည်။ ဘုရားရှင်သည် သေဆုံး၍ (၃)ရက်မြောက်သော နေ့၌ ဖူးဖူးရောင်သော သီရိမာ၏ အလောင်းကို အသုဘရှုခြင်းငှာ ရဟန်းတို့နှင့် တကွ သုသာန်သို့ ကြွတော်မူလျှင် ထိုရဟန်းလည်း လိုက်လေသည်။ ဘုရားရှင်သည် ချစ်သားတို့ ၀ိညာဉ်ရှိစဉ် အခါ၌ သီရိမာကို ဥစ္စာတစ်ထောင်ပေးမှ တစ်နေ့ရသည်။ ယခုကား တစ်ချင်ရွေးမျှ ပေးမည့်သူမရှိ၊ အချည်းနှီး အလကား မျှယူမည့်သူ မရှိတကား ဟုမိန့်တော်မူ၍ ပဿ စိတ္တကတံ ဗိမ္ဗံ ဂါထာကို ဟောတော်မူသည်။ သတ္တ၀ါရှစ်သောင်း တရားကောင်းကို ရလေကုန်၏။ ထိုရဟန်းလည်း သောတာပန် ဖြစ်သည်။

ပဿ စိတ္တကတံ ဗိမ္ဗံ၊
အရုကာယံ သမုဿိတံ။
အာတုရံ ဗဟုသင်္ကပ္ပံ၊
ယဿ နတ္ထိ ဓုဝံ ဌိတိ။


(မြန်မာကဗျာ)
ဆန်းကြယ်ဝတ်စား ထုထားရုပ်သွင်၊
သုံးရာရိုးထောက် ကိုးပေါက်ထိုးကျင်၊
လူမိုက်အများ ဆန်းပြားစိတ်ထင်
လာရှုစမ်း ပျက်ခမ်းဤကိုယ်ပင်။


Behold this beautiful body, a mass of sores, a heaped-up (lump), diseased, mush thought of, in which nothing lasts, nothing persists.

စကားပြေ ။ စိန်၊ ရွှေ၊ ရတနာတို့ကို ဆင်ပြင်၍ ဆန်းဆန်းကြယ်ကြယ် ဆင်ယင်ထားသော ပန်းပုသမား ထုထားသော အရုပ်နှင့်တူသော အနာရောဂါ စုစုပေါင်းတည်နေရာ သုံးရာသော အရိုးတို့သည် တိုင်ကဲ့သို့ ထောက်ပြီး ယိမ်းယိုင်သော အိမ်အိုနှင့် တူသဖြင့် နာကျင်သော ပုထုဇဉ် လူသားများ ဆန်းဆန်း ပြားပြား ကြံစည် စိတ်ကူးအပ်သော (ကိုးပေါက်ဒွါရ အမာဝရှိသော) ဤကိုယ်ကို ရှုကြပါလော့။ ဤခန္ဓာကိုယ်ကြီးသည် အမြဲတာရှည် မတည်တံ့နိုင်ပေ။

ဆရာတော် ဦးသီလာစာရ
(ရိုးမတိမ် မဟာအောင်မြေကျောင်း)

ကသိုင်း (၁၀)မျိုး

ကသိုင်း (၁ဝ)မျိုး






















(၁)ပထ၀ီ။
(၂)အာပေါ။
(၃)တေဇော။
(၄)၀ါယော။
(၅)နီလ (အညိုရောင်ကသိုဏ်း)။
(၆)ပီတ (အ၀ါရောင်)။
(၇)လောဟိတ (အနီရောင်)။
(၈)သြဒါတ (အဖြူရောင်)။
(၉)အာကာသ (ဟင်းလင်းပြင်)။
(၁၀)အာလောက (အလင်းရောင်)။

Friday, July 18, 2008

သံတော်ကြားဘုရား



သံတော်ကြား


သံတော်ကြား ဘုရားသည် ပုပ္ပါးတောင်ရှိ အစိမ်းရောင် ချော်ကျောက် ( Tuff stone ) များဖြင့် တည်ဆောက် ထားသည့် ဗုဒ္ဓရုပ်ပွား ဆင်းတုတော် ဖြစ်ပြီး အေဒီ(၁၂၈၄)တွင် နရသီဟပတေ့မင်း က တည်ခဲ့သည်။

သံတော်ကြား ဘုရားတည်ရှိသည့် နေရာသည် ပုဂံနန်းတော် အနီးတည်ရှိပြီး ဘုရင်၏အသံ (သို့မဟုတ်) သမ်းဝေ သည့်အသံကို ကြားနိုင်သည့် နေရာ၌ ရှိသည့်အတွက် သံတော်ကြား၊ သမ်းတော်ကြား စသည့် အမည်များ ခေါ်ခဲ့ရာမှ ယခုအခါ သံတော်ကြား ဟုသာ ခေါ်ကြသည်။

သံတော်ကြားး ဗုဒ္ဓရုပ်ပွား ဆင်းတုသည် အမြင့် (၆.၁၀) မီတာ၊ ပေ (၂၀)ခန့် မြင့်သည်။ ၁၉၇၅ ပုဂံ ငလျင်ဒဏ် ကြောင့် သံတော်ကြား ဘုရား၏ ဦးခေါင်းတော် ပြုတ်ကျ ပျက်စီးသွားခဲ့ရာ ရှေးဟောင်း သုတေသန ဦးစီးဌာနမှ ပြန်လည်ပြင်ဆင် ထားသည်။

ဝန်ခံချက် ။ ပုံတော်များကို www.ancientbagan.com မှ ရယူထားပါသည်။

Monday, July 14, 2008

ဥပါလိသိမ်







ဥပါလိသိမ်


ဥပါလိသိမ် သည် ရဟန်းများ သိမ်ဝင်ရာ သိမ် အဆောက်အဦ ဖြစ်ပြီး ပုဂံခေတ်က ရှိခဲ့သော အုတ်ခုံ အဟောင်းပေါ် တွင် အေဒီ(၁၇၉၃)က သိမ် အဆောက်အဦ အသစ် ထပ်မံ ဆောက်လုပ် ထားခြင်း ဖြစ်သည်။ ဥပလိသိမ် ၏ အနောက်ဘက် မုခ် မြောက်နံရံတွင် အနော်ရထာ မင်းကြီး နှင့် ဥပါလိမထေရ် တို့က သိမ်သမုတ် ကြောင်း နံရံမင်စာ ရှိသဖြင့် ဥပါလိသိမ်ဟု ခေါ်တွင်ခဲ့ခြင်း ဖြစ်သည်။

ဥပါလိသိမ် အတွင်းတွင် ကုန်းဘောင်ခေတ် နံရံဆေးရေး ပန်းချီများ ဖြစ်သည့် နှစ်ကျိတ် ရှစ်ဆူ ဘုရားများ၊ ဗုဒ္ဓ တောထွက်ခန်း၊ ဆံတော်ပယ်ခန်း စသည့် ဗုဒ္ဓ၀င် ဇာတ်ကွက်များ၊ ကနုတ်ပန်း နှင့် ခြူးပန်း ခြူးနွယ်များ၊ နံရံအောက် ဘက်တန်း များတွင် မြတ်စွာဘုရား ၀ါဆိုစဉ်များ ရှိသည်။

ဥပါလိသိမ် အပြင်ဘက်ရှိ ကုန်းဘောင်ခေတ် အင်္ဂတေ ပန်းတော့ လက်ရာများကို လေ့လာနိုင် သည်။

(၈) ဇူလိုင် (၁၉၇၅) ငလျင်ဒဏ် ကြောင့် ဥပါလိသိမ် အမိုးအက်ကွဲကာ အတွင်းဘက်သို့ အိကျ ခဲ့သည့် အတွက် အတွင်း နံရံမှ ခရစ်(၁၈) ရာစု နံရံဆေးရေး ပန်းချီများနှင့် မင်စာများ ပျက်စီး ဆုံးရှုံးသွားခဲ့ရသည်။

ဝန်ခံချက် ။ ပုံတော်များကို www.ancientbagan.com မှ ရယူထားပါသည်။

Sunday, July 13, 2008

လူချမ်းသာ စိတ်ချမ်းသာ (၂၅)

နိဂုံး

လူကို ကောင်းကျိုးပြုနိုင်သည်မှာ အမျိုးဘာသာ သာသနာကို ထိထိရောက်ရောက် တွင်တွင်ကျယ်ကျယ် ကောင်းကျိုးပြု နိုင်သည်မှာ လူချမ်းသာများသာ ဖြစ်သည်။ ဆင်းရဲသားက ကောင်းကျိုးမပြုနိုင်ဘူးလား မေးမူ ပြုတော့ ပြုနိုင်ပါသည်။ သို့သော် သိပ်ပြီးမထိရောက်လှပေ။ သိပ်ပြီး မတွင်ကျယ်ပေ။ လူချမ်းသာတိုင်းရော ကောင်းကျိုး ပြုနိုင်ပါသလား မေးပြန်မူ လူချမ်းသာတိုင်းတော့ ကောင်းကျိုးပြု နိုင်သည်မဟုတ်။ စိတ်ချမ်းသာ သော လူချမ်းသာသည်သာ ကောင်းကျိုး ပြုနိုင်သည်။ စိတ်မချမ်းသာသော လူချမ်းသာတို့က ကောင်းကျိုး မပြုနိုင်ကြ။ သို့ရာတွင် လူတိုင်းက လူချမ်းသာ ဖြစ်ချင်ကြ၍ လူချမ်းသာဖို့က တော့အရေးကြီးသည်။

လူချမ်းသာ ဖြစ်စေနိုင်သော အကြောင်းအချက်အလက် တို့ကို စာတွေ့မျက်တွေ့ ဥာဏ်မီသလောက် တင်ပြထား ပါသည်။ လူချမ်းသာ ဖြစ်စေချင်သော စေတနာဖြင့် ဖြစ်သည်။ လူချမ်းသာဖြစ်၍ လူနှင့် လူ့ဆိုင်ရာ အားလုံးကို ချမ်းချမ်းသာသာ ဖြစ်အောင် ဆောင်ရွက်စေချင်၍ ဖြစ်သည်။ လူချမ်းသာ စာတမ်းပါ အကြောင်း အချက် အလက် တို့ကို စေ့စေ့ငုငု ဖတ်ရှုမှတ်သား လိုက်နာ ကျင့်ကြံ နိုင်ကြ၍ လူချမ်းသာများ ဖြစ်ကြပါစေ။ လူချမ်းသာများ ဖြစ်ကြ ပြီးလျှင် လူ့ပတ်ဝန်းကျင် တစ်ခွင်က ဆိုင်ရာဆိုင်ရာ တို့ကိုလည်း ချမ်းချမ်းသာသာ ဖြစ်အောင် ဆောင်ရွက်နိုင်ကြ ပါစေလို့ ဆုတောင်းပတ္ထနာ ပြုအပ်ပါသည်။


သဗ္ဗေသတ္တာ သုခိတာ ဟောန္တု ။
သတ္တ၀ါအားလုံး ချမ်းသာ ကြပါစေ ။
မြန်မာလူငယ်များ ချမ်းသာ ကြပါစေ ။

မေတ္တာဖြင့်
ဓမ္မပိယဆရာတော်၊ အရှင်သံဝရာလင်္ကာရ
၁၃၆၂-ခုနှစ်၊တပို့တွဲလဆန်း(၂)ရက်
(၂၅-၁-၂၀၀၁)

Saturday, July 12, 2008

လူချမ်းသာ စိတ်ချမ်းသာ (၂၄)

ချမ်းသာလိုလျှင် မိတ်ကောင်းရှိရမည်

မိတ်ဆွေကောင်းဟူသည် ချစ်ဖို့ ခင်ဖို့ကောင်းခြင်း၊ လေးစားစရာ ဂုဏ်အင်္ဂါများ ရှိခြင်း၊ စိတ်နေသဘောထား ပြည့်ဝခြင်း၊ ပြောစရာ ဆိုစရာရှိလျှင် ပြောတတ် ဆိုတတ်ခြင်း၊ သည်းခံ ခွင့်လွှတ်တတ်ခြင်း၊ စကားကို လေးလေး နက်နက်ပြောတတ်ခြင်း၊ သင့်လျော်ရာကို ညွှန်ပြတတ်ခြင်း ဟူသော အရည်အသွေးများရှိသော ပုဂ္ဂိုလ် မျိုးဖြစ်သည်။ မိတ်ဆွေကောင်းတစ်ဦးတွင် ရှိရမည့် အရည်အသွေးများကို စာလာ ပေလာအတိုင်း တင်ပြရခြင်း ဖြစ်ပါသည်။

အဂုင်္တ္ထိုရ်ပါဠိတော်တွင်လည်း မိတ်ဆွေကောင်းတို့၏ ဂုဏ်အင်္ဂါများကို ဘုရားရှင်ကိုယ်တော်တိုင် မှတ်ချက်ပြု တော်မူသည်။ မိတ်ဆွေကောင်း ဟူသည် သာမန် သူလိုကိုယ်လို ပေးဖို့ ခက်ခဲသော ပစ္စည်းဥစ္စာ သို့မဟုတ် အခွင့်အရေး၊ အခြားအရေးကြီးသော အရာတစ်ခုခုကို ပေးနိုင်သူ ဖြစ်သည်။ ကူညီဖို့၊ လုပ်ဆောင်ဖို့ ခက်ခဲသော ကိစ္စတစ်ခုခုကို ကူညီလုပ်ဆောင်နိုင်ရာသည်။ သည်းခံဖို့ခက်ခဲသော အမှားအယွင်း တစ်စုံတစ်ရာကို သည်းခံနိုင်သူ ဖြစ်ရမည်။ သူ၏လျှို့ဝှက်ချက်ကို ဖွင့်ပြောတိုင်ပင်သူ ဖြစ်ရာသည်။ မိမိ၏ လျှို့ဝှက်ချက်ကိုလည်း ကူညီလျှို့ဝှက်ပေးသူ ဖြစ်ရာသည်။ ဘေးရန် တစ်စုံတစ်ရာ ပေါ်ပေါက်လာသောအခါ မိမိကို စွန့်ပစ်မသွားဘဲ ဖေးမ ကူညီသူ၊ အားပေးနှစ်သိမ့်သူ ဖြစ်ရာသည်။ တစ်စုံတစ်ခု ပျက်စီးဆုံးရှုံးမှု ကြောင့်လည်း မိမိကို အထင်သေး အမြင်သေး မရှိဘဲ နဂိုပုံမှန်အတိုင်း အဆက်အဆံမပျက် အခင်အမင်မပျက် လက်တွဲနိုင်သူ ဖြစ်ရမည်။

လောကတွင် တန်ဖိုးရှိသော ရွှေ၊ ငွေ၊ ကျောက်သံပတ္တမြား တို့သည် ရှားပါးပစ္စည်းများဖြစ်သည်။ ရတနာဟူသည် ဘုန်းကံနည်းသူ၊ သာမန်လူတို့၏ အသုံးအဆောင်မဟုတ်ချေ။ မိတ်ဆွေကောင်းသည် ရတနာကဲ့သို့ ရှားပါး ပစ္စည်း ဖြစ်သည်။ မရှိမဟုတ် ရှိပါသည်။ ရှာလျှင် တွေ့နိုင်ပါသည်။ ကံရှိလျှင် တွေ့ရမည်သာ ဖြစ်သည်။

လောကတွင် လူတော်လူကောင်းဟု သုံးနှုန်းကြသည်။ ဗလငါးတန်နှင့် ပြည့်စုံသူသည် လူတော်လည်း ဟုတ်သည်၊ လူကောင်းလည်း ဟုတ်သည်။ လူတော် လူကောင်းဖြစ်ရန်အတွက် ဗလငါးတန်နှင့် ပြည့်စုံရသည်။ ဗလငါးတန်နှင့် ပြည့်စံသော လူတော် လူကောင်းသည်သာ မိတ်ဆွေကောင်းဖြစ်သည်။


(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

Thursday, July 10, 2008

လူချမ်းသာ စိတ်ချမ်းသာ (၂၃)

သာသနာပြု မြတ်ကောင်းမှု

သီလသာသနာ၊ သမာဓိသာသနာ၊ ပညာသာသနာ ဟု သာသနာသုံးရပ်ရှိသည်။ သီလအကျင့်ကို ကိုယ်ကိုယ်တိုင် ကျင့်သုံးခြင်းသည် ကိုယ့်ကိုယ်ကိုယ် သာသနာ ပြုခြင်းမည်ပါသည်။ သမာဓိရအောင် တရားထိုင်ခြင်းသည် မိမိကိုယ်ကို သာသာနာပြုခြင်း မည်ပါသည်။ သူတစ်ပါးအား တရားထိုင်ဖို့ တိုက်တွန်းခြင်းသည် သာသနာပြုခြင်း မည်ပါသည်။ ၀ိပဿနာပညာ စသည်များ ရရှိအောင် ၀ိပဿနာ အလုပ် အားထုတ်ခြင်းသည် မိမိကိုယ်ကို သာသနာပြုခြင်း မည်ပါသည်။ သူတစ်ပါးအား ၀ိပဿနာအလုပ် အားထုတ်ဖို့ တိုက်တွန်းခြင်းသည် သူတစ်ပါးအား သာသနာပြုခြင်း မည်ပါသည်။ ဘုရားရှင်က ဒါနအမှုပြရမည်ဟု မိန့်တော်မူသဖြင့် ဒါနအမှုပြုခြင်း၊ ပြုစေခြင်း သည်လည်း သာသနာပြုသည်သာ ဖြစ်ပါသည်။ သို့ရာတွင် ယင်းဒါနသည် သီလ၊ သမာဓိ၊ ပညာ ကို အားပေးသော ဒါနဖြစ်မှသာလျှင် သာသနာပြုဒါန ဖြစ်နိုင်ပါသည်။ ကြောက်လို့လှူခြင်း၊ မကောင်းတတ်လို့ လှူခြင်း၊ ဘာမှန်းမသိလှူခြင်း၊ တစ်ခုခု မျှော်လင့်ချက်ဖြင့် လှူခြင်းတို့သည် သာသနာပြု ဒါန မဖြစ်နိုင်ပေ။

ယခုခေတ်ကာလ သာသနာပြု ဘုရားဖူးအဖွဲ့၊ သာသနာပြုစခန်း၊ ဘာသာသနာပြု၊ ညာသာသနာပြု ဖြင့် သာသနာပြု ဆိုသော ဧရာမနာမည်ကြီးကို ဖောဖောသီသီ လှိုင်လှိုင်ကြီး သုံးစွဲလျက်ရှိပါသည်။ သီလ၊ သမာဓိ၊ ပညာ အတွက် ရည်စူးတာ ဟုတ်ပါရဲ့လား။ မိမိလုပ်ငန်းကြောင့် သီလ၊ သမာဓိ၊ ပညာ တရားတွေ အဘယ်မျှ တိုးတက်သွားပါသလဲ။ သေချာစွာ စစ်ကြောရန် လိုမည်ဖြစ်ပါသည်။


(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

သရပါတံခါး





သရပါတံခါး

သရပါတံခါးကို ခရစ် (၉)ရာစုတွင် ပျဉ်ပြားမင်း အေဒီ (၈၄၆-၈၇၈)တွင် တည်ဆောက်ခဲ့သည်။ ပျဉ်ပြားမင်းသည် ခရစ်(၈၄၉) တွင် ပုဂံမြို့ကို တည်ရာ၌ ပုဂံကျုံးမြို့ရိုး လေးမျက်နှာ ပတ်လည် တွင် တံခါး(၁၂)ရပ် ပါရှိခဲ့သည်။ ထိုတံခါး (၁၂)ရပ် အနက် အရှေ့မျက်နှာ အလယ်ဗဟိုတံခါး ဖြစ်သည့် သရပါတံခါး တစ်ခုသာ ထင်ထင်ရှားရှား ကျန်ရစ်တော့သည်။ သရပါ ဟူသော အမည်သည် မြားကို ဆီးကာသော တံခါး ဟု အဓိပ္ပာယ် ရသည်။

သရပါ တံခါး၏ ဘေးတစ်ဖက်တစ်ချက်တွင် မဟာဂီရိ နတ်မောင်နှမ (လက်ဝဲမောင်တော် နတ်ရုပ်၊ လက်ယာ နှမတော်နတ်ရုပ်) တို့၏ နတ်ကွန်း များရှိသည်။

Tuesday, July 8, 2008

သဒ္ဓါ ( သက်ဝင်ယုံကြည်မှု )

သဒ္ဓါ ( သက်ဝင်ယုံကြည်မှု )

ဗုဒ္ဓဘာသာတည်းဟူသော အဆောက်အဦ အတွင်းသို့ ဝင်လိုပါလျှင် သရဏဂုံတည်း ဟူသော ဝင်ပေါက်မှ ဝင်ရမည်ဖြစ်ရာ သဒ္ဓါ တည်းဟူသောတရား လက်ကကိုင်၍ ဝင်လာရမည်ဟု ဗုဒ္ဓဘာသာဝင်တိုင်း သိပြီးဖြစ် ပါမည်။ သဒ္ဓါမပါက ဝင်ခွင့်မရ။ သဒ္ဓါဟူသည် လက်နှင့်တူကြောင်း၊ ပတ္တမြားနှင့် တူကြောင်း၊ မျိုးစေ့နှင့် တူကြောင်း ကျမ်းဂန်များစွာတွင် ဖော်ပြထားပါသည်။ ထိုမျှအရေးကြီးသော သဒ္ဓါတရားကို ဆန်းစစ် လေ့လာလျှင်ယုံကြည်မှု ဟု အကြမ်းဖျဉ်းသိထားကြပါသည်။ ဗုဒ္ဓဘာသာဝင်များအတွက် ဘုရားရှင် ဟောကြားထားသော သဒ္ဓါ ၏အနက်အဓိပ္ပာယ်မှာ ကျယ်ပြန့် လေးနက်လှပေသည်။ သက်ဝင်ယုံကြည်မှုရှိမှ သဒ္ဓါ ဖြစ်၏ ဟု ဟောကြား တော်မူသည်။

(၁) ဘုရား (ဗုဒ္ဓဘုရား)
(၂) တရား (ဗုဒ္ဓတရား)
(၃) သံဃာ (အရိယာသံဃာ)
(၄) ကံ (မိမိပြုလုပ်သောအမှု)
(၅) ကံ၏အကျိုး (မိမိပြုလုပ်မှုကြောင့် ပေါ်ပေါက်လာသော ဖြစ်ရပ်များ)
(၆) အတိတ်ဘဝ (အရင်ကဖြစ်ခဲ့သောဘဝတွေ)
(၇) အနာဂတ်ဘဝ (နောက်မှဖြစ်မည့်ဘဝတွေ)
(၈) ပဋိစ္စသမုပ္ပါဒ် (ကြောင်းကျိုးဆက်သွယ်ဖြစ်ပေါ်မှု)။ ။

Monday, July 7, 2008

ငှက်ပစ်တောင်





ငှက်ပစ်တောင်

ပုဂံခေတ် အနော်ရထာမင်း အေဒီ (၁၀၄၄-၇၇) လက်ထက်တွင် သထုံမှ ရှင်အရဟံ ပုဂံသို့ကြွလာ၍ အနော်ရထာ မင်းအား ထေရ၀ါဒဗုဒ္ဓသာသနာကို ဟောကြားခဲ့သည်။

အနော်ရထာ မင်းသည် ထေရ၀ါဒဗုဒ္ဓ သာသနာကို သက်ဝင်ယုံကြည်ကာ ပုဂံပြည်သူ ပြည်သားတို့ကိုလည်း ထေရ၀ါဒ ဗုဒ္ဓသာသနာ သက်ဝင် ယုံကြည် လာအောင် ကြိုးပမ်းဆောင်ရွက် ခဲ့သည်။ ထိုသို့ ကြိုးပမ်း ဆောင်ရွက်ရာတွင် ရှင်အရဟံ၏ လမ်းညွှန်မှုဖြင့် သာသနာပြုလုပ်ငန်းများသည် များစွာ အရေးပါခဲ့သည်။

အနော်ရထာမင်းသည် ရှင်အရဟံ၏ လမ်းညွှန်မှုဖြင့် အေဒီ(၁၀၅၈) တွင် ညောင်ဦးမြို့ ငှက်ပစ်တောင်တွင် အမြင့်(၁၈) ပေရှိသည့် ဂေါတမ ဗုဒ္ဓရုပ်ပွားတော်ကို တည်ထား ကိုးကွယ်ခဲ့ သည်။

အနော်ရထာမင်း သည် ရှင်အရဟံထံမှ သထုံတွင် ပိဋကတ်သုံးပုံရှိကြောင်း သိရှိရသဖြင့် သံတမန် စေလွှတ် တောင်းခံခဲ့သည်။ အနုဟာမင်းက အနော်ရထာမင်း၏ တောင်းခံချက်ကို မပေးဘဲ မချေမငံတုံ့ပြန်သဖြင့် အနော်ရထာမင်း သည် သထုံကို ချီတက် တိုက်ခိုက် ခဲ့သည်။ သထုံကို တိုက်ခိုက်အောင်မြင်ပြီးနောက် သထံဘုရင်၊ မိဖုရား၊ မှူးမတ် အခြွေအရံများ နှင့်တကွ ဗုဒ္ဓပိဋကတ်အစုံ သုံးဆယ်နှင့် သံဃာတော် (၁၅၀၀)တို့အား ပုဂံသို့ ပင့်ဆောင်ခဲ့သည်။ အနော်ရထာမင်းသည် သထုံသံဃာ များ သီတင်းသုံးရန် ညောင်ဦးမြို့ ငှက်ပစ်တောင်အနီးတွင် ဥမင်များ နှင့်ကျောင်းများ ဆောက်လုပ်လှူဒါန်းခြင်း နှင့် ၀တ္ထုမြေများ လှူဒါန်းခြင်း ပြုလုပ်ခဲ့သည်။

Sunday, July 6, 2008

လူချမ်းသာ စိတ်ချမ်းသာ (၂၂)

ချမ်းသာချင်လျှင် စီးပွားရေးကိုသာ ဇောက်ချလုပ်

ကြီးပွားချင်သူသည် စီးပွားရေးကိုသာ ဇောက်ချလုပ်ကိုင်ရသည်။ ဘုရားနှင့်စပ်၍ ကြီးပွားအောင် မလုပ်သင့် သကဲ့သို့ ကျောင်းနှင့်စပ်၍လည်း ကြီးပွားအောင် မလုပ်ထိုက်ပါ။ စီးပွားရေးကိစ္စကို စီးပွားရေးကိစ္စ တစ်ကန့်၊ ကျောင်းကန်၊ ဘုရားကိစ္စကို ကျောင်းကန် ဘုရားကိစ္စ တစ်ကန်၊ သူ့အကန့်နဲ့သူ လုပ်ရသည်။ မရောထွေး သင့်ပေ။ ဘာသာတရားကို မှိုင်းမတိုက်သင့်ပေ။

ကြီးပွားချင်လို့ အဓိဋ္ဌာန် ပုတီးစိတ်ခြင်း၊ သက်သတ်လွတ် အဓိဋ္ဌာန်ဝင်ခြင်း၊ ဘုရားကိုးဆူ အဓိဋ္ဌာန်ဝင်ခြင်း၊ ဓာတ် ယောင်ယောင်၊ နတ်ယောင်ယောင်၊ သိုက်ယောင်ယောင်၊ နန်းယောင်ယောင်၊ ဂြိုဟ်ပြေ နံပြေ၊ ယတြာချေနှင့် ဂါထာ မန္တရား ရွတ်ဖတ် ပွားသည်များကို စွဲလမ်းယုံကြည်စွာ မလုပ်သင့်ပေ။ ပိုက်ဆံလိုချင်လျှင် ပိုက်ဆံလက်ထဲ ရောက်အောင်သာ ရှာရသည်။ အခြားအရာများ မရှာကောင်းပေ။

ကြီးပွားချင်လျှင် စီးပွားရေးကိုသာ ဇောက်ချလုပ်။ ဘာသာရေးကိစ္စများ လိုသည်ထက် မပိုသင့်။ လူသည် လူနှင့် သာတူအောင် လုပ်ရန်လိုသည်။ ဘုန်ကြီးနှင့် တူအောင် လုပ်ဖို့မလို။ လူသည် လူ့အလုပ်ကိုသာ လုပ်ရ သည်။

ဘာသာရေးကိစ္စက အပေါ်ယံကြော အကာပိုင်းနှင့် အတွင်းသား အနှစ်သာရပိုင်း ဟူ၍ နှစ်မျိုးရှိသည်။ ဘာသာရေး နှင့် ဆက်နွှယ်သော ဘုရားပွဲများ၊ အခြားအလှူအတန်း အခမ်းအနားများ၊ ဘုရားဆင်းတု၊ ဘုရား စွယ်တော် စသည်များကို ဟိုပင့်၊ သည်ပင့်ကိစ္စများ၊ ဘုရားတည်ခြင်း၊ ဘုရားပြင်ခြင်း ကိစ္စများ၊ ဂုဏ်ပြု ပူဇော်ပွဲများ၊ ဘာနေ့ ညာနေ့ စသည့်အခမ်းအနား များသည် အပေါ်ယံကြော အကာကိစ္စ များသာ ဖြစ်သည်။ ထိုကိစ္စများသည် အတိုင်းအတာနှင့်သာ ကောင်းသည်။ သိပ်မများသင့်ပေ။

ဘုရားဆင်းတု အမျိုးမျိုးနှင့် စေတီပုထိုးများသည် သာသနာ မဟုတ်သကဲ့သို့ ဘုရားထုခြင်း၊ ဘုရားတည်ခြင်း၊ ဘုရားပြင်ခြင်း စသည့်ကိစ္စ တို့ကို ဆောင်ရွက်ခြင်းသည်လည်း သာသနာပြုသည်ဟု မခေါ်နိုင်ပေ။ စင်စစ် သာသနာ ဟူသည် ဘုရား၏ အဆုံးအမဖြစ်သည်။ ဘုရား၏ အဆုံးအမသည် ပိဋကသုံးပုံရှိသည်။ ဘုရား၏ အဆုံးအမတော် ပိဋက စာပေများကို ပို့ချခြင်း၊ သင်ယူခြင်း၊ ဟောပြခြင်း၊ ပြသခြင်း၊ ကျင့်ကြံအားထုတ် ခြင်းသည်သာ သာသနာပြုသည် မည်သည်။

သာသနာပြုသည်ဟူသည် မိမိသန္တာန်တွင် သာသနာရှိမှ ပြုလို့ရသည်။ မိမိသန္တာန်၌ သာသနာမပါဘဲ သာသနာပြုလို့ မရနိုင်ပေ။ မိမိ၏ ဖယောင်းတိုင်မှာ မီးတောက်ရှိမှ တခြား ဖယောင်းတိုင်ကို မီးကူးလို့ရသည်။ မိမိ ဖယောင်းတိုင်မှာ မီးမရှိပါဘဲ တခြားဖယောင်းတိုင်ကို မီးကူးလို့ မရနိုင်ပေ။ တိုးတက်ကြီးပွားဖို့ ဆိုလျှင် သဘာဝ ကျကျ တွေးတတ် မြင်တတ်ဖို့၊ သိတတ်ဖို့၊ လိုက်နာ ကျင့်သုံးတတ်ဖို့ လိုပါသည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

Friday, July 4, 2008

ထီးလိုမင်းလိုဘုရား











ထီးလိုမင်းလိုဘုရား

ထီးလိုမင်းလို ဘုရားသည် ကွမ်းတောင် ပေါက်လိုဏ် သုံးဆင့်ဂူဘုရား ဖြစ်ပြီး (၁၈)မတ်(၁၂၀၈) တွင် နားတောင်းများမင်း (ထီးလိုမင်းလို) အေဒီ (၁၂၁၁-၁၂၃၁) တည်ခဲ့သည်။

ထီးလိုမင်းလို ဟူသော ဝေါဟာရမှာ `တိလောကမင်္ဂလာ `(သုံးလောက ကျက်သရေဆောင်) ဟူသော ရှေးမွန်ဘာသာ အရေးအသားကို အဖတ်မှားရာက ထီးလိုမင်းလို ဟူ၍ ဖြစ်လာခြင်း ဖြစ်သည်။

နားတောင်းမင်း များသည် ထီးလိုမင်းလိုဘုရား တည်ရာတွင် မိမိ၏ဖခင် နရပတိစည်သူ မင်းကြီး တည်ထား ကိုးကွယ်ခဲ့သည့် စူဠာမဏိ ဘရားပုံသဏ္ဍာန် အတိုင်း တည်ခဲ့သည်။

ထီးလိုမင်းလို ဘုရားတွင် နံရံဆေးရေး ပန်းချီ၊ အင်္ဂတေ ပန်းတော့လက်ရာ များနှင့် စဥ့်ကွင်း များကို လေ့လာနိုင်သည်။

ထီးလိုမင်းလို ဘုရားအတွင်းရှိ နံရံဆေးရေး ပန်းချီများမှာ ရာသီဥတုဒဏ်နှင့် ပိုးပွှားဒဏ်များ ကြောင့် ပျက်စီးယိုယွင်း လျက်ရှိသည်။ စင်္ကြပတ်လမ်း ပေါင်းကူး မျက်နှာကျက်တွင် နံရံဆေးရေး ပန်းချီ အနည်းငယ်နှင့် ဇာတာခွင်များ ရေးမှတ်ထားသည်ကို တွေ့ရသည်။

ထီးလိုမင်းလို ဘုရား အရှေ့ဘက် အတွင်းမုခ်ခုံး၏ တောင်ဘက် နံရံတွင် ခရစ် (၁၅)ရာစုနှစ်က ရေးထိုးခဲ့သည့် မိဖုရားစော တောကျောင်းနေ သဒ္ဓမ္မဒိဝါကရ မထေရ်၏ ဆုတောင်း မေတ္တာစာ ကမ္ပည်းမင်စာ (၁၄)ကြောင်းရှိသည်။

ထီးလိုမင်းလို ဘုရားတွင် အင်္ဂေတေပန်းတော့ လက်ရာများရှိရာ ဘုရားအပြင်ဘက် ချင်မိတ် တိုးတန်း အောက်တွင် ပင့်ထောက်ခံ ထားသော သံကျောက်တုံးတန်းနှင့် ဘီလူး ပန်းဆွဲများ၊ အပေါ်ထပ် လိုဏ်ထောင့် တိုင်ဖုန်းပန်းများ၊ ဘီလူး ပန်းကိုက်နှင့် ခြူးပန်း ခြူးနွယ်များ၊ အ၀င်မုခ်ဝရှိ ပန်းဆွဲများ၊ တိုင်ဖုံးပန်းများ၊ ပြူတင်းပေါက်တံကဲရှိ အင်္ဂေတေပန်း များကို လေ့လာနိုင်သည်။

ထီးလိုမင်းလို ဘုရား၏ အပေါ်ထပ် ပစ္စယာစိန်တန်း များနှင့် အောက်ခြေမှန်ကွက် များ၌ အစိမ်းရောင် အတွင်း အဝါရောင် ထည့်သွင်း ထားသော စဥ့်ကွင်းများဖြင့် တန်ဆာဆင် ထားသည်။

ထီးလိုမင်းလို ဘုရား၏ တိုင်မ နံရံအဆုံးတွင် ခြင်္သေ့ရုပ်ကို ကိုယ်ထည်နှစ်ခွ ဖြင့် တန်ဆာဆင် ထားသည်။

ဝန်ခံချက် ။ ပုံတော်များကို www.ancientbagan.com မှ ရယူထားပါသည်။

Thursday, July 3, 2008

လူချမ်းသာ စိတ်ချမ်းသာ (၂၁)

ဂုဏ်တု ဂုဏ်ပြိုင်အရပ်ကို ရှောင်ပါ

ချမ်းသာချင်သူသည် ဂုဏ်တဂုဏ်ပြိုင် အရပ်မျိုးကို မနေသင့်၊ မသွားသင့်၊ မပါဝင်သင့်ပေ။ အချို့ တောမကျ၊ မြို့မကျ ရပ်ကွက်များတွင် ဂုဏ်တု ဂုဏ်ပြိုင်အလွန်များသည်။ အိမ်နီးနားချင်း အမြဲပြိုင်နေကြသည်။ ဘာဟင်း ကို စားမှ၊ ဆေးခန်းတောင် ဘယ်ဆေးခန်းမှ၊ ဆေးရုံဆို ဘယ်ဆေးရုံမှ၊ မီးဖွားတာတောင် ဘယ်ဆေးခန်းမှာ ဖွားမှ၊ ကလေးကျောင်းထားတာ ဘယ်ကျောင်းကိုထားမှ စသည်အမြဲပြိုင်ဆိုင် နေကြသည်။ ပြိုင်ဆိုင်နေ ရသဖြင့် မကုန် သင့်တာတွေ ကုန်ကျကုန်သည်။ ပစ္စည်းတစ်ခုခု မတန်တာ၊ တန်တာ အပထား ဟိုဘက်အိမ်က သုံးလျှင် သုံးရမှ ဆိုတာမျိုး အတော်ပင်ခက်သည်။

စာသင်ကျောင်းဆိုလျှင် ဂုဏ်တု ဂုဏ်ပြိုင်ကျောင်းမျိုး ထားရသော မိဘများတော့ မလွယ်ကူချေ။ အသုံး အဆောင် ပစ္စည်း၊ ကျောင်းမုန်ဖိုးကအစ ဆရာမကန်တော့ တာအထိ အကုန်လိုက်ပြိုင် နေကြသည်။ ကျူရှင် ဆိုလည်း နာမည်ကြီး ကျူရှင်ထားရမှ တရားဝင်သည်။ အားလုံး ပျက်စီးကြောင်းပင် ဖြစ်သည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

Wednesday, July 2, 2008

လူချမ်းသာ စိတ်ချမ်းသာ (၂ဝ)

ချမ်းသာချင်လျှင် ဖြတ်လမ်းကမသွားနှင့်

ကြီးပွားချင်သူသည် ဖြတ်လမ်းမရှာသင့်ပေ။ ဖြတ်လမ်းဟူသည် ပျက်စီးကြောင်း တစ်ပါး ဖြစ်သည်။ စီးပွားရေး ဖြတ်လမ်းက လိုက်သဖြင့် ဘ၀ ပျက်နေသူတွေ များစွာ တွေ့ဖူးသည်။ စီးပွားရေး သာမက ဘ၀ပါ ပျက်သွား သဖြင့် လူညွန့်တုံး ရတော့သည်။ အလျင်လို လမ်းအိုလိုက်ဟု ဆိုခဲ့သည်။ မြန်ချင်လျှင် လုပ်ရိုးလုပ်စဉ်ကိုသာ ဇောက်ချ၍ ဇွဲရှိရှိ လုပ်ကိုင်ရသည်။

အကြံကောင်းလျှင် တစ်ချက် ဟုဆိုသည်။ အကြံကောင်းလျှင် တစ်ချက်တည်းနှင့် ကြီးပွားနိုင်သည်ဟု အဓိပ္ပာယ် ဆောင်သည်။ ထိုအဆိုအား အားမကျသင့်ပေ။ အကြံဥာဏ်က တစ်ချက်ကောင်း ရုံနှင့်မဖြစ်၊ အကြံဥာဏ်က အမြဲ ကောင်းနေရန်လိုသည်။ လူသည် ကံနှင့်ဝီရိယစိုက်၍ အမြဲအလုပ်လုပ်နေရမည်။ အလုပ်လုပ် တိုင်းလည်း အကြံကောင်း ဥာဏ်ကောင်းက ရှိနေမည်သာဖြစ်သည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

Tuesday, July 1, 2008

လူချမ်းသာ စိတ်ချမ်းသာ (၁၉)

ဦးနှောက်ကို အပြည့်အဝ သုံးပါ

ချမ်းသာချင်သူသည် ဗေဒင်ဆရာ၊ ဓာတ်ဆရာ၊ နတ်ဆရာ တို့ကို အလွန်အကျွံ အားမကိုးသင့်ပေ။ ငွေကုန်ခံ လူပင်ပန်းခံပြီး မယုံကြည် အားမကိုးသင့်ပေ။ လူအများစုသည် ဗေဒင်ကို ဝါသနာပါကြ၍ လုံးဝကြီးတော့ မကန့်ကွက် လိုပါ။ သာမန် အပျင်းပြေ တော်ရုံ တန်ရုံသာ ကောင်းသည်။ ဗေဒင်သည် ဘုရားဟော မဟုတ်သကဲ့သို့ ဘုရားဟော ထေရဝါဒ ဗုဒ္ဓဘာသာကလည်း လက်မခံပါ။ ဗေဒင်ဟူသည် သာသနာတော်၏ ဆူး၊ ငြောင့်၊ ခလုတ်သာ ဖြစ်သည်။ အိန္ဒိယနိုင်ငံတွင် သာသနာ ကွယ်ရခြင်းသည် ဗေဒင်ဆရာ၊ ဂါထာ၊ မန္တန် ဆရာတို့၏ လက်ချက်ကြောင့်ဖြစ်သည်။ ဗေဒင်ကြောင့် သာသနာ ကွယ်နိုင်သည်ကို အထူး သတိပြုသင့်သည်။

ဘုရားရှင်က “ နံနက်ခင်းမှာ ကောင်းသော ကာယကံ၊ ဝစီကံ၊ မနောကံ များရှိကြလျှင် ကောင်းသော နံနက်ခင်း ဖြစ်သည်။ ကောင်းသော နက္ခတ်နှင့် ယှဉ်နေသည်။ မင်္ဂလာရှိသော နံနက်ခင်းဖြစ်သည်။ နေ့ခင်းသည်လည်း ထို့ အတူပင်ဖြစ်သည် ” ဟု မိန့်တော်မူခဲ့သည်။

ဘုရားရှင်က “ ကိုယ့်ကိုယ်ကိုယ် အားကိုးပါ၊ ကိုးကွယ်ပါ ” ဟု မိန့်တော်မူခဲ့သည်။ အဓိပ္ပာယ်မှာ မိမိ၏ကံ၊ ဥာဏ်၊ ဝီရိယကိုသာ အားကိုးပါဟု ဆိုလိုရင်း ဖြစ်သည်။ မိမိ၏ ကာယကံ၊ ဝစီကံ၊ မနောကံ တွေကို စင်ကြယ်အောင်၊ သန့်ရှင်းအောင်၊ ကောင်းအောင် လုပ်ပါ။ မိမိဥာဏ်ပညာကို ထက်မြက်အောင်၊ ကောင်းအောင် လုပ်ပါ။ မိမိ၏ ဝီရိယ ကို ကောင်းအောင်လုပ်ပါ။ ကြိုးစားအားထုတ်ပါ။ အပင်ပန်းခံ၊ အဆင်းရဲခံလုပ်ပါ။ လက်ရှိမှာလည်း ကံ၊ ဥာဏ်၊ ဝီရိယတို့ ကောင်းနေလျှင် အတိတ်ကံကလည်း ထောက်ပံ့မယ်ဆိုလျှင် ဘယ်ဘုရားမှ လာတား၍မရပါ။ အတိတ်ကံက အားနည်းနေသော်မှ ပစ္စုပ္ပန်ကြိုးစားသလောက် တော့ ခံစားခွင့်ရှိမည်သာ ဖြစ်သည်။ အမှန်စင်စစ် ထိပ်တန်းက ပုဂ္ဂိုလ်ကြီးတို့သည် အတိတ်ကံထည့်၍ စကား မပြောကြပေ။

အလုပ်အကိုင် အဆင်ပြေ၊ ကြီးပွားချမ်းသာ ချင်သူတို့သည်လည်း ဗေဒင်ဆရာဆီကို သွားကြသည်။ အိမ်ထောင်ပြု ချင်သော အမျိုးသား အမျိုးသမီးတို့သည်လည်း ဗေဒင်ဆရာဆီ သွားကြသည်။ ရာထူးတက်ချင်၊ အာဏာတည်မြဲချင် သူတို့သည်လည်း ဗေဒင်ဆ၇ာဆီကို သွားကြသည်။ သို့ဖြစ်၍ ခပ်ကြမ်းကြမ်းဆရာတော် တစ်ပါးက ဗေဒင်မေးတယ်ဆိုတာ ဥစ္စာရူး၊ လင်တရူး၊ အာဏာရူးတွေပါဟု မိန့်ခဲ့သည်။ ရူးမရူး ကိုယ့်ကိုယ်ကိုယ် ဆန်းစစ်ကြည့်ရန် ဖြစ်သည်။

သဘောဥာဏ် ပြည့်ဝသူ ထေရဝါဒဗုဒ္ဓဘာသာကို ခြေခြေ မြစ်မြစ် နားလည်သူ (ထေရဝါဒဗုဒ္ဓဘာသာ စစ်စစ်ဖြစ်သူ) ကံနှင့် အကျိုးကို ပြည့်ပြည့်ဝဝ ယုံကြည်လက်ခံသူတို့သည် ဗေဒင်ကို စိတ်ဝင်စားခြင်း မရှိကြပေ။ ရသေ့စိတ်ဖြေသဘော၊ အပျင်းပြေသဘောလောက်သာ သဘောထားကြသည်။ ဆိုခဲ့သော အရူးလေးမျိုး (တို့ထက် အလွန် ငါးမျိုး ခြောက်မျိုး ရှိချင် ရှိဦးမည်) တို့သာ ဗေဒင် ကို စွဲစွဲလမ်းလမ်း ယုံကြည်ကြခြင်း ဖြစ်သည်။

ထိုအမျိုးမျိုးသော အရူးတို့ဖြင့် ရူးကြသောအခါ မိမိ၏ အသိဥာဏ် အစစ်အမှန်မှာ ပျောက်ကွယ်သွားသည်။ ဘာကြောင့်ပျောက်ကွယ်သည်ဆိုလျှင် မောဟက ဖုံးထားခြင်းကြောင့်ဖြစ်သည်။ ပုထုဇဉ်အရူးဆိုသည့်အတိုင်း ပုထုဇဉ်သည် မောဟ ဖိစီးမှုကြောင့်၊ လောဘလှည့်စားမှုကြောင့်၊ ဒေါသချောက်တွန်းမှုကြောင့် ရူးတော့ရူးနေကြ သည်သာများသည်။ အရူးကြီး အရူးလေးသာ ကွာခြားသည်။ ကိုယ့်ကိုယ်ကိုယ် ရူးမှန်းမသိ ရူးနေကြသူက အများစု ဖြစ်သည်။

လောဘကြောင့် ကြီးပွားရသကဲ့သို့ လောဘကြောင့်လည်း ပျက်စီးရသည်။ လောဘမကင်းသူမှန်သမျှ လိုချင်စိတ် ရှိမည်ဖြစ်သည်။ လောကရေးရာ အတွက် ရချင်စိတ်၊ ပိုင်ဆိုင်ချင်စိတ်၊ လိုချင်စိတ်က ရှိကို ရှိရမည်ဖြစ်သည်။ ယင်းစိတ်မျိုး ရှိမှသာ ကြီးပွားနိုင်မည်။ သို့ရာတွင် မတော်လောဘ မရှိရ၊ မတော်လောဘ သည် ပျက်စီးကြောင်း ဖြစ်သည်။

မဟိစ္ဆတာ - အလိုရမက်များမှု၊ အတြိစ္ဆတာ - အလွန့်အလွန်လိုချင်မှု၊ ပါပိစ္ဆတာ- ယုတ်မာသောလိုချင်မှု။ အလိုဆိုးမှု။ အလိုကြီး အရနည်းဟူသည့် အတိုင်း လောဘသိပ်ကြီးလွန်းလျှင် ရတတ်သည်မဟုတ်။ တော်ရုံ တန်ရုံ သင့်ရုံကိုသာ လိုချင်ရာ၏။ တော်၊ တန်၊ သင့် ဟူသည် မိမိ အနေအထားနှင့် ဖြစ်နိုင်၊ ရနိုင်သော အတိုင်း အတာမျိုးကို ဆိုလိုသည်။ မဖြစ်နိုင်၊ မရနိုင်သော အရာကို တမ်းတမ်းစွဲဖြစ်နေလျှင် ပျက်စီးရန်သာ ရှိသည်။

အလိုဆိုးဟူသည် မိမိမပိုင်ဆိုင်သော လိုချင်စရာမျိုးကို မလိုချင်ရ။ ရအောင် မကြိုးစားရ။ မတော်မတရား နည်းဖြင့် ရယူမသုံးစွဲရ။ မိမိမပိုင်သော လိုချင်စရာမျိုး ဟူရာ၌ သက်ရှိလည်းပါသည်။ သက်မဲ့လည်းပါသည်။ မိမိမပိုင်ဆိုင်၊ သူတစ်ပါးပိုင်ဆိုင်နေသော ထိုအရာမျိုးကို လိုချင်ရမ္မက်ဖြစ်မှုကို အလိုဆိုးဟု ခေါ်သည်။ ထိုအလိုဆိုးသည် ပျက်စီး ကြောင်း တစ်ပါးဖြစ်သည်။ ထိုအလိုဆိုးမျိုး မိမိသဏ္ဍာန်မဖြစ်အောင် ရှောင်ရှား ရသည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

Followers

Labels

Comments