ကျေးဇူးတင်လွှာ


ဒီစာမျက်နှာလေးဖြစ်မြောက်ဖို့ တစ်ဖက်တစ်လမ်းက ကူညီပေးကြတဲ့
ဘလော့ဂ်စာမျက်နှာပေါ်က စီနီယာတွေအားလုံး ဂျူနီယာတွေအားလုံး
ဘလော့ဂ်ချစ်သူတွေအားလုံးကို ကျေးဇူးအထူးတင်ကြောင်း ပြောပါရစေ။
အောင်မြေ စာမျက်နှာမှာ ခဏတာရောက်ခဲ့ကြတဲ့ မိတ်ဆွေများအတွက် တစ်ခုလေးလောက် အမှတ်တရဖြစ်သွားခဲ့ရင် ပီတိဖြစ်ရပါတယ်။
ဒီအတွက် ပင်ပန်းရ၊ ကြိုးစားရ တာတွေက ပျော်ရွှင်မှုကို ဖြစ်စေပါတယ်။ ဆုရည် ကြိုးစားနေပါတယ်လို့ ….

Welcome to Aung Myay Blog Welcome to Aung Myay Blog Welcome to Aung Myay Blog Welcome to Aung Myay Blog

Friday, October 31, 2008

ကမ္ဘာ့ဘာသာအယူဝါဒများ (၂)

ရှေးဦးဘာသာများ

ရှေးဟောင်းအီဂျစ်၊ ဂရိနဲ့ အက်ဇ်တက်ခ်တို့ ကိုးကွယ်ကြတဲ့ ရှေးဦး ဘာသာတွေက ခေတ်သစ်ကမ္ဘာကို တအံ့တသြ ညှို့ယူ ဖမ်းစားနေဆဲပါ။ ယစ်ပူဇော်ပွဲတွေအကြောင်း၊ လူစင်စစ်ကိုတောင် ယစ်ပူဇော် ခဲ့တဲ့ ဒဏ္ဍာရီတွေ ကြားသိခဲ့ရ ပါတယ်။ ရှုပ်ထွေးနက်နဲတဲ့ အသွေးအရောင်စုံ နတ်ဘုရားပုံများကို သရုပ်ဖော်ထားတဲ့ အထောက်အထား တွေကိုလည်း မြင်တွေ့ကြရပါတယ်။ နတ်ဘုရား ပုံပြင်တွေကိုလည်း ဖတ်ရှုခဲ့ရပါတယ်။ ဒါ့အပြင် အီဂျစ်နိုင်ငံ ဂါဇာကမ်းမြောင် ဒေသက ပိရပစ်ကြီးတွေ၊ အေသင်မြို့က ဘုရားရှိခိုးကျောင်းကြီးတွေနဲ့ အလယ်အမေရိက ချီချန်အစ်ဇာက မာယန် ဘုရားရှိခိုး ကျောင်းပျက်ကြီးတွေကို ကျွန်တော်တို့ မျက်မြင်တွေ့နေကြရပါတယ်။

ယဉ်ကျေးမှုချင်း သိပ်ဝေးကွာတဲ့ သူတို့ရဲ့ ကိုးကွယ်မှုတွေက လက်ရှိကျွန်တော်တို့ ဘာသာတရားတွေနဲ့ သိပ်ကို ကွဲပြားတယ်လို့ တွေးထင်ကောင်း တွေးထင်မိကြပါ လိမ့်မယ်။ ကျွန်တော်တို့ တွေ့ရှိခဲ့ကြတဲ့ အထောက်အထား မျှလောက်နဲ့ သူတို့ရဲ့ ကိုးကွယ်မှုတွေကို ပြည့်ပြည့်စုံစုံ ပုံဖော်နိုင်ဖို့ကို ခက်ပါတယ်။ ရှေးဟောင်း သုတေသနဆိုင်ရာ ဆွေ့ရှိချက်တွေကို ကြည့်ရှုပြီး ခန့်မှန်းရုံလောက်မျှပဲ စွမ်းဆောင်နိုင်ပါတယ်။ ရှေးဟောင်း အထောက်အထား အများအပြား တွေ့ခဲ့ရပေမယ့် ဆိတ်သုန်း ပျောက်ကွယ် သွားပြီးဖြစ်တဲ့ ယုံကြည်ကိုးကွယ်မှု တစ်ရပ်ကို ဖော်ထုတ် သတ်မှတ်မပေးနိုင်ပါ။ အစိတ်အပိုင်း အမြောက်အမြား ဖြတ်တောက်ထားတဲ့ ပဟေဠိပုံကားချပ် တစ်ချပ်ကို ပြန်ဆက်ဖို့ ကြိုးစားရာမှာ အချို့အစိတ်အပိုင်းတွေ ပျောက်နေတာကြောင့် ပုံကားချပ်ကို အပြည့်အစုံ ပြန်မဖော်နိုင်သလိုမျိုး ဖြစ်နေပါတယ်။

ခရစ်တော် မမွေးဖွားမီ လွန်ခဲ့တဲ့ နှစ်ပေါင်းတစ်သောင်းနဲ့ သုံးသောင်းအတွင်းမှာ စိုက်ပျိုးသီးနှံတွေ အထွက်ကောင်းစေဖို့ ကိုးကွယ် ပူဇော်မှုတွေ ရှိခဲ့ကြောင်းကိုတော့ ဥရောပတလွှားမှာ အထောက်အထားတွေ တွေ့ရှိခဲ့ကြရပါတယ်။ မြွေတွေ၊ နွားသိုးတွေကို ကိုးကွယ်ခဲ့ကြပြီး ဘုရားရှိခိုးကျောင်းတွေ အခိုင်အခန့်နဲ့ ဘုန်းတော်ကြီးတွေလည်း ရှိနေခဲ့တာကို တွေ့ကြရပါတယ်။ ကျောက်ခေတ်နှောင်းပိုင်းမှာ ကျောက်တုံးကြီးတွေကို ပတ်ဝိုင်း စိုက်ထူထားခဲ့ကြ တာကိုလည်း ဥရောပတစ်ခွင်မှာ တွေ့မြင်ကြရ ပါတယ်။ ဥပမာ တာစီယန်ကမောလ်တာ ဘုရားရှိခိုးကျောင်းတွေနဲ့ ပြင်သစ်နိုင်ငံတို့မှာ တွေ့မြင်ကြရပါတယ်။ ဒါပေမယ့် ဘာရည်ရွယ်ချက်နဲ့ အင်မတန်ကြီးမားတဲ့ ကျောက်တုံးကြီးတွေကို အခုလို ပတ်ဝိုင်း စိုက်ထူထားခဲ့ကြသလဲ ဆိုတာကိုတော့ ဘယ်သူကမှ အဓိပ္ပာယ် မဖွင့်ဆိုနိုင်ကြသေး ပါဘူး။ ကြေးခေတ်ဦးပိုင်း လောက်က စိုက်ထူ ထားခဲ့ကြတယ်လို့ မှန်းဆထားတဲ့ အင်္ဂလန်က ကျောက်တုံးတွေကိုတော့ နက္ခတ္တဗေဒအတွက် စုပုံ ထူထောင်ထားခဲ့ကြတယ်လို့ မှန်းဆနေကြပါတယ်။ တမလွန်အတွက် တိရစ္ဆာန်တွေကို ယစ်ပူဇော်လေ့ရှိကြတာကိုတော့ ဓမ္မကျမ်းစာဟောင်းမှာရော၊ အိန္ဒိယသက္ကတ ကျမ်းတွေမှာပါ တွေ့ကြရပါတယ်။ ပါးစပ်ပြော ယဉ်ကျေးမှုတွေ၊ ပုံပြင်တွေနဲ့ သဏ္ဍာရီတွေမှာ နတ်ဘုရားဗိမာန်တွေနဲ့ ရက်ယှယ်ထားတာကိုလည်း သိနေကြရပါတယ်။

ရှေးဦး ဘေဘီလိုနီးယား၊ ဆီးရီးယားနဲ့ ဖိုးနီးရှားတို့မှာ လူမျိုးစုလိုက် နတ်ဘုရားတွေ ရှိကြပြီး စစ်ကာလတွေမှာ အန္တရာယ် ကင်းအောင် ပူဇော်ပသလေ့ရှိကြပါတယ်။ ဘေဘီလိုနီးယားမှာ နတ်ဘုရားဘဲလ်၊ ဆီးရီးယားမှာ ရင်မ်မွန်၊ အစ္စရေးကတော့ ယေဟိုဝါ လို့ခေါ်ကြပါတယ်။ နှောင်းပိုင်းရောက်တော့ အစ္စလာမ်ဘာသာဝင်တွေကလည်း အလ္လာအရှင်ကို အောင်ပွဲရ ဘုရားတစ်ဆူအဖြစ် ဆည်းကပ် ကိုးကွယ်ကြပါတယ်။

တရုတ်တို့ရဲ့ ရှေးဦးဘာသာတွေကို သုတေသနပြုဖို့ သိပ်ခက်ခဲပါတယ်။ ဘာကြောင့်လဲ ပြောရရင် စာမှု၊ ပေ၊ ပုရပိုက်တွေထဲမှာ သင်္ကေတနဲ့ ရေးထားတာတွေကြောင့် ဖတ်ဖို့ မလွယ်ကူခဲ့ပါဘူး။ အာကာသနတ်ကတော့ တရုတ်တို့ အတွက် အရေးပါဆုံး ဖြစ်ပုံ ရခဲ့ပါတယ်။ လဟာပြင်မှာ အာကာသနတ် ပူဇော်ပွဲနဲ့ ယစ်ပူဇော်ပွဲတွေ ကျင်းပလေ့ ရှိခဲ့ကြ ပါတယ်။ ၄င်းနတ်ကို ကွန်ဖြူးရှပ်ဝါဒနဲ့ တာအိုဝါဒ ပေါ်ထွန်းလာချိန်ထိ ကိုးကွယ်ခဲ့ကြပါတယ်။ ကွန်ဖြူးရှပ်နဲ့ တာအိုဝါဒ တို့က အဲဒီ ရှေးဟောင်း သဘာဝတရား ကိုးကွယ်မှုကို ပြောင်းလဲပစ်လိုက်ကြပါတယ်။

(ဆက်လက်တင်ပြပါမည်)
( Debbie Gill ၏ Religions of the World )

ကမ္ဘာ့ဘာသာအယူဝါဒများ (၁)

ဘ၀ကိုဘယ်လို ရပ်တည်နေထိုင်ကြမလဲ၊
တစ်ပါးသူကို ဘယ်လို ဆက်ဆံပြုမူကြမလဲ၊
ဒုက္ခဆင်းရဲတွေကို ဘယ်လို ရှောင်ရှား ကြမလဲ ဆိုတဲ့ ရုပ်ပိုင်းဆိုင်ရာ ပြဿနာတွေနဲ့၊ ဘဝဆိုတာဘာလဲ၊

စကြဝဠာဘာကြောင့် တည်ရှိနေရသလဲ၊
လူတွေသေပြီးရင် ဘာဖြစ်ကြကုန်သလဲ စတဲ့ စိတ်ပိုင်းဆိုင်ရာ မေးခွန်းတွေက လူသားတွေကို ဒီနေ့ထိ ဒုက္ခပေးနေဆဲ ဖြစ်ပါတယ်။ ဒီမေးခွန်းတွေကို ဖြေဆိုဖို့ ဘာသာတရားအသီးသီးက ပုံသဏ္ဍာန်အမျိုးမျိုးနဲ့ ကြိုးစားခဲ့ကြပါတယ်။ လူ့သမိုင်း အတွက် လူများစုရဲ့ ဘဝနေနည်းနဲ့ ဘဝအဓိပ္ပာယ်ကို ဘာသာရေးက ပေးခဲ့ပါတယ်။ အယူဝါဒချင်း တွေ့ကြတဲ့အခါ ဒါမှမဟုတ် အယူဝါဒနဲ့ ဘာသာမဲ့တို့ ဆုံကြတဲ့အခါမှာ ဒီနေ့ကမ္ဘာကြီးမှာရော၊ တိုးတက်မှုနှေးကွေးတဲ့ အတိတ်တုန်းကပါ အငြင်းအခုန်တွေ နှလုံးထိခိုက်ရတဲ့ အကြမ်းဖက်မှုတွေ စိမ်ခေါ်မှုနဲ့ အပြောင်းအလဲတွေ မကြာခဏ ကြုံတွေ့ကြရ ပါတယ်။

တစ်ဦးရဲ့ယုံကြည်မှုကို တစ်ဦးကပိုပြီး သဘောပေါက် နားလည်လာမယ်ဆိုရင် ယုံကြည်မှု စနစ်ချင်းမတူ ကွဲပြားမှုကြောင့် ပေါ်ထွက်လာတဲ့ ပြဿနာတွေကို ပိုပြီးလွယ်လွယ်ကူကူ ဖြေရှင်းနိုင်လိမ့်မယ်လို့ လူအများက ယူဆလာကြ ပါတယ်။ ဒါပေမယ့် သိထားယုံနဲ့မလုံလောက်၊ အမှန်တကယ် နားလည်သဘောပေါက် ကြဖို့ လိုအပ်ပါတယ်။ ဘာသာအယူဝါဒတွေရဲ့ နောက်ခံသမိုင်းကြောင်းကို မိတ်ဆက်ပေးချင်ပါတယ်။ ဒီဖော်ပြချက်ကနေ နက်နက်ရှိုင်းရှိုင်း ထဲထဲဝင်ဝင် ဆက်လက် လေ့လာကြဖို့ ရည်ရွယ်ပါတယ်။ ကိုယ်လက်ခံထားတဲ့ အယူဝါဒနဲ့ မကိုက်ညီတဲ့ တင်ပြချက်တွေ တွေ့ရတဲ့အခါ ဒါတွေကို စတင်လေ့လာမှု တာထွက် အဖြစ် သဘောထားရပါမယ်။

ဘာသာဆိုတာ " ပြန်လည်ဆက်စပ်ခြင်း " လို့ အဓိပ္ပာယ်ရပါတယ်။ သမိုင်းတစ်လျှောက်လုံးမှာ လူသားတွေက ကမ္ဘာကြီးရဲ့ အထူးအဆန်း အံ့သြစရာတွေနဲ့ ထိတွေ့ခဲ့ရတိုင်း ဒီအဖြစ်အပျက်ရဲ့ အကြောင်းရင်းတွေကို သိရှိနားလည်ဖို့ ကြိုးပမ်းခဲ့ကြပါတယ်။ တစ်နည်းအားဖြင့် ဒီအဖြစ်အပျက်တွေရဲ့ မူလအရင်းအမြစ်နဲ့ ပြန်လည်ဆက်သွယ်ဖို့ ကြိုးစားခဲ့ကြ ပါတယ်။ ခေတ်သစ် သိပ္ပံပညာရှင်တွေက ကိုယ့်နည်းကိုယ့်ဟန်နဲ့ ကြိုးပမ်းကြသလို ဘာသာရေး တရားတွေကလည်း ကမ္ဘာကြီးရဲ့ မူလအစနဲ့ ပြန်လည်ဆက်စပ်ဖို့ အားထုတ်ကြပါတယ်။

ဒီလို ပြန်လည် ဆက်စပ်ဖို့ နည်းနာနိဿယျ တွေကိုလည်း ဘာသာတရားတွေက ပေးပါတယ်။ မမျှော်လင့်ဘဲ အစစ်အမှန်နဲ့ တိုက်ရိုက် ထိတွေ့မှုရဖို့ ဓာတ်စီးသူနဲ့ အားကိုးရှာသူ၊ နတ်ဝင်သည်နဲ့ နတ်မေးသူ စတဲ့ ပုံသဏ္ဍာန်မျိုးစုံ နာမ်လောက လုပ်ငန်းတွေကို မြင်တွေ့ရပါ လိမ့်မယ်။ အစစ်အမှန်က လူသားတွေနဲ့ တသီးတခြား လွတ်လွတ်ကင်းကင်း တည်ရှိနေတာဖြစ်ပြီး စကားလုံးတွေကို ကျော်လွန်တဲ့ နောက်ဆုံးအပြီးသတ် အမှန်တရားပါ။ အစစ်အမှန်ကို ဘယ်လို နားလည် သဘောပေါက်သလဲ ဆိုတဲ့ အချက်က အစစ်အမှန်ကို ဘယ်လိုရောက်အောင် အဓိပ္ပာယ်ဖွင့်ဆိုမလဲ၊ အစစ် အမှန်ဆီ ဘယ်လိုရောက်အောင် သွားမလဲဆိုတဲ့ အချက်တွေပေါ်မှာ တည်ပါတယ်။

ယဉ်ကျေးမှုမျိုးစုံ ရောယှက် ကူးလူးတိုးပွား ဖြစ်ထွန်းနေတဲ့ ကမ္ဘာကြီးမှာ ဘာသာတရားတွေ အားလုံး တစ်ခုနဲ့တစ်ခု အမှန်တကယ် ပဋိပက္ခ ဖြစ်ပွားနေကြပါသလား၊ ဒါမှမဟုတ် တစ်ခုတည်းသော အစစ်အမှန်ဆီ မတူကွဲပြားတဲ့ လမ်းအသွယ်သွယ် ကနေပြီး ရိုးရိုးသားသား လျှောက်လှမ်းနေကြတာလား။ အခု လက်ရှိအချိန်မှာတော့ ဒီမေးခွန်းတွေ အတွက် အဖြေတွေ မရှိသေးပါ။ အများမြင်နေကြတဲ့ အမျိုးအမည် ကွဲပြား ခြားနားနေတဲ့ ဘာသာတရားတွေရဲ့ နောက်ကွယ်မှာ အများနဲ့ အကြုံးဝင် ပတ်သက်တဲ့ ဘုံဝိသေသလက္ခဏာတွေ ရှိ-မရှိ ဆိုတာ ဆက်လက် လေ့လာကြည့် ရအောင်ပါ။
(ဆက်လက်တင်ပြပါမည်)
( Debbie Gill ၏ Religions of the World )

Tuesday, October 28, 2008

သမ္မပ္ပဓာန်တရား (၄) ပါး


ဗောဓိပက္ခိယတရား (၃၇)ပါးတွင် အပါအ၀င်ဖြစ်သော သမ္မပ္ပဓာန်တရား (၄)ပါးဟူသည်မှာ-

(၁)
ဥပ္ပန္နာနံ ပါပကာနံ ပဟာနာယ၀ါယာမော
ဖြစ်ပြီးသော အကုသိုလ်တရားများကို ပယ်နိုင်အောင် အားထုတ်ခြင်း။

(၂)
အနုပ္ပန္နာနံ ပါပကာနံ အနုပ္ပါဒါယ ၀ါယာမော
မဖြစ်သေးသော အကုသိုလ် တရားဆိုးများကို မဖြစ်ပေါ်အော် အားထုတ်ခြင်း။

(၃)
အနုပ္ပန္နာနံ ကုသလာနံ ဥပ္ပါဒါယ ၀ါယာမော
မဖြစ်သေးသော ကုသိုလ်တရားများ ဖြစ်ပေါ်လာစေရန် အားထုတ်ခြင်း။

(၄)
ဥပ္ပန္နာနံ ကုသလာနံ ဘိယျောဘာဝါယ ၀ါယာမော
ဖြစ်ပြီးသော ကုသိုလ်တရားများကို ဆထက်တိုးပွား များပြားလာစေရန် အားထုတ်ခြင်း။

(တစ်)
ဗောဓိဆုတွေ ပန်ပြီး နိဗ္ဗာန်ကို မရည်ရွယ်သည့်တိုင် လူသားတိုင်း ကြိုးစားအားထုတ်သင့်သော တရားမှာ သမ္မပ္ပဓာန်တရား (၄) ပါး ဖြစ်ပါသည်။ မိမိတို့သည် ဖြစ်ပြီးသော (ပြုလုပ်ခဲ့မိသော) အကုသိုလ် မကောင်းမှု ဒုစရိုက်တရားများကို ဆင်ခြင်နိုင်အောင် မကြာခဏ သတိရနေတတ်ပါသည်။

(နှစ်)
မိမိတို့သည် မဖြစ်သေးသော အကုသိုလ် ဒုစရိုက်မကောင်းမှု မှန်သမျှကို မပြုမိအောင် သတိထားကြရပါမည်။

(သုံး)
မဖြစ်သေးသော၊ မလုပ်ရသေးသော ကုသိုလ် တရားများကိုမူ ဖြစ်အောင် ကြိုးစားရပါမည်။ ပြုလုပ်ဖြစ်အောင် အားထုတ်ရမည်။

(လေး)
ဖြစ်ပြီးသော ပြုလုပ်ဆည်းပူးထားပြီးသော ဒါန၊ သီလ၊ ဘာဝနာ ကုသိုလ်တရားများကိုမူ ပွားများအောင် လုပ်ရသည်။ မကြာခဏ အောက်မေ့ ဆင်ခြင်ရမည်။ သီလာနုဿတိ = မိမိစောင့်ထိန်းထားသော သီလများကို အောက်မေ့ ဆင်ခြင်ခြင်း၊ စာဂါနုဿတိ = မိမိနှင့် စွန့်ကြဲပေးကမ်း လှူဒါန်းဖူး သည်များကို ခဏခဏ အောက်မေ့သတိရခြင်းတို့ကို အပ္ပမာဒ ဆိုတဲ့ သတိတရားဖြင့် ပြန်လည် ပွားများပေးရမည်။

Monday, October 27, 2008

စေတီ(၄)မျိုး

စေတီ(၄)မျိုး (အကျဉ်းမျှသာ)

စေ့ဆော်တတ်၊ လှုံ့ဆော်တတ်၊ အောင်သွယ်ပေးတတ်လို့ စေတီလို့ ခေါ်ရပါသည်။ စေတီကနေပြီး သက်တော်ထင်ရှား ဘုရားအထိ စိတ်ရောက်သွားဖို့ဖြစ်ပါသည်။ အဲဒီစေတီ များမှာ (၁) ဓာတုစေတီ၊ (၂) ဓမ္မစေတီ၊ (၃) ပရိဘောဂစေတီနဲ့ (၄) ဥဒ္ဒိဿစေတီ ရယ်လို့ (၄)မျိုးရှိပါသည်

ဓာတုစေတီ
ဘုရားရှင်နဲ့ ရဟန္တာများရဲ့ ဓာတ်တော်တို့ကို ဌာပနာတည်ထားသော စေတီကို ခေါ်ဆိုပါသည်။

ဓမ္မစေတီ
ဝိနည်း၊ သုတ္တန်၊ အဘိဓမ္မာ ဆိုတဲ့ ပိဋကတ်တော်များကို ဓမ္မစေတီလို့ခေါ်ပါတယ်။ တစ်နည်းအားဖြင့် ဓမ္မစကြာ၊ အနတ္တလက္ခဏသုတ်၊ ပဋိစ္စသမုပ္ပာဒ်၊ ပဋ္ဌာန်း၊ သတိပဋ္ဌာန်၊ ဗောဓိပက္ခိယတရားတို့ကို ရွှေပြား၊ ငွေပြား၊ ကြေးပြားပေါ်တွင် ရေးသားပြီး စေတီတွင်း ထည့်သွင်းဌာပနာထားခြင်းကို ဓမ္မစေတီဟု ခေါ်ဆိုပါသည်။

ပရိဘောဂစေတီ
ဘုရားရှင်ရဲ့ အသုံးအဆောင်များဖြစ်တဲ့ သပိတ်၊ သင်္ကန်း၊ ဖိနပ်၊ ရေစစ်၊ ဗောဓိပင်များကိုဖြင့် ပရိဘောဂစေတီဟု ခေါ်ဆိုပါသည်။

ဥဒ္ဒိဿစေတီ
အုတ်၊ ကျောက်၊ ကြေး၊ သစ်သား၊ အင်္ဂတေ စသည်တို့ကို ဘုရားရှင်ပုံတော်သွန်းလုပ် ထားသည်တို့ကို ဥဒ္ဒိဿစေတီဟု ခေါ်ဆိုပါသည်။

ဝိမယနဝတ္တုဒေသနာ
ဆိုခဲ့သည့် စေတီ(၄)မျိုးတို့ကို ကြည်ညိုခြင်း၊ ရှိခိုးခြင်း၊ ရေ-ပန်း-အမွှေးနံ့သာ လှူဒါန်းခြင်းတို့သည် သက်တော်ထင်ရှား ဘုရားကို လှူတာပူဇော်တာနှင့် အတူတူပင် ဖြစ်သည်။ " သက်တော်ထင်ရှား ဘုရား၌လည်းကောင်း၊ ပရိနိဗ္ဗာန် ပြုပြီးနောက် စေတီရုပ်ပွားတော်၌ လည်းကောင်း၊ စိတ်ထားတူမျှသော် တူမျှသော အကျိုးကို ပေးနိုင်ပေသည်။ စိတ်ထား စင်ကြယ် မွန်မြတ်ခြင်းကြောင့် သတ္တဝါတို့သည် နတ်ပြည်သို့ ရောက်ရကုန်၏။ " မိန့်ဆိုသည်ရှိပါသည်။ စေတီရုပ်ပွားများကို ပစ်မှားမိပြန်ရင်လည်း ဗုဒ္ဓဂိုဏ်း၊ ဓမ္မဂိုဏ်း သင့်တတ်ကြောင်း ဆင်ခြင်နိုင်ရန် ဖြစ်ပါသည်။

Monday, October 20, 2008

သရဏဂုံတည်ခြင်းအကျိုး

သရဏဂုံတည်ခြင်းအကျိုး


ပဒုမုတ္တရ မြတ်စွာဘုရားရှင် ပွင့်တော်မူစဉ်ကာလက ဖြစ်သည်။ ရှေးလွန်ခဲ့သော ကမ္ဘာတစ်သိန်း ထက်၌ ဆန္ဒ၀တီပြည်တွင် မိအို၊ ဖအိုတို့ကို ပြုစုလုပ်ကျွေးနေသော အမျိုးကောင်းသား တစ်ဦးရှိသည်။ ထိုအမျိုးကောင်းသားသည် တစ်နေ့သောအခါ ပဒုမုတ္တရ မြတ်စွာဘုရား၏ လက်ယာတော်ရံ အဂ္ဂသာဝက အရှင်နိဿာမထေရ်ထံသို့ ရိုသေစွာ သွားရောက်ကာ .. ..

" ဗုဒ္ဓံသရဏံ ဂစ္ဆာမိ၊ ဓမံ္မသရဏံ ဂစ္ဆာမိ၊ သံဃံသရဏံ ဂစ္ဆာမိ " ဟု ရွတ်ဆို၍ သရဏဂုံဆောက်တည်၏။

ထိုအမျိုးသားကောင်းသည် အနှစ်တစ်သိန်း ကာလပတ်လုံး သရဏဂုံကို ထိန်းသိမ်းဆောက်တည်ခဲ့၏။ ထိုဆောက်တည်ခဲ့သော အကျိုးကြောင့် သေလွန်သောအခါ နတ်ပြည်သို့ ရောက်၍ (၈)ပါးသော အကျိုးတို့ကို ခံစားရ၏။ ထိုအကျိုး (၈)ပါးတို့မှာ-

(၁)
နေရာမရွေး အပူဇော်ခံရခြင်း။
(၂)
ဥာဏ်ပညာ လွန်စွာထက်မြက်ခြင်း။
(၃)
များစွာသော စည်းစိမ်းချမ်းသာ ရှိခြင်း။
(၄)
အားလုံး၏ ကြည်ညိုချစ်ခင်မှုကို ခံရခြင်း။
(၅)
အသားအရောင် ရွှေအဆင်းကဲ့သို့ တောက်ပခြင်း။
(၆)
အရာရာ မိမိအလိုကျဖြစ်ခြင်း။
(၇)
မိတ်ပျက်ခြင်းမရှိ၊ မိတ်ဆွေပေါခြင်း။
(၈)
ဂုဏ်သတင်း မွှေးပျံ့ကျော်စောခြင်း တို့ဖြစ်သည်။

ထိုဘဝမှ စုတေပြီးသောအခါ သိကြားမင်းအဖြစ်အကြိမ်(၈၀)၊ စကြာမင်းအဖြစ် (၇၅)ကြိမ်၊ ပဒေသရာဇ်မင်းအဖြစ် မရေမတွက်နိုင်အောင် ဖြစ်ခဲ့သည်။ နောက်ဆုံး ဂေါတမ မြတ်စွာဘုရားလက်ထက်တွင် သာဝတ္တိပြည်၌ ချမ်းသာကြွယ်ဝသော သူဌေးအိမ်တွင် လူအဖြစ် ရရှိခဲ့သည်။ ထို့နောက် (၇)နှစ်သားအရွယ်၌ ရဟန္တာတစ်ပါးထံ သရဏဂုံ ဆောက်တည်စဉ် မိမိကမ္ဘာတစ်သိန်းက ဆောက်တည်ခဲ့သော သရဏဂုံကို သတိရပြီး ပီတိသဒ္ဓါဖြစ်ကာ ၀ိပဿနာဥာဏ်စဉ်ရ၍ ရဟန္တာအဖြစ်သို့ ရောက်ရှိလေသည်။

ဂေါတမမြစ်စွာဘုရားသည် ထိုသူငယ်ကို ခေါ်၍ ရဟန်းပြုပေးတော်မူသည်။ သရဏဂုံတည်ခြင်း အကျိုးကြောင့် ရဟန္တာဖြစ်ခြင်းကို အကြောင်း ပြု၍ ထိုရဟန္တာအရှင်ကို "တိသရဏဂမနိယထေရ်" ဟု ဘွဲ့မည်ပေးခဲ့သည်။

(အပဒါနပါဠိ၊ ပ-၃၊ သု ဘူတိဝဂ်။)

မိတ်ဆွေကောင်းအင်္ဂါ(၇)ပါး


လောကထဲတွင် နေထိုင်ကြသော ပုဂ္ဂိုလ်တိုင်း၊ ပုဂ္ဂိုလ်တိုင်း လောကဓံတရားများနှင့် တွေ့ကြုံရသည်မှာ ဓမ္မတာပါ။ တစ်ခါတလေ ကောင်းသော လောကဓံတရားများနှင့် တွေ့ကြုံကြရသကဲ့သို့ တစ်ခါတလေလည်း ဆိုးရွားသော လောကဓံတရားများနှင့် တွေ့ကြုံကြရ လေသည်။ ဤကဲ့သို့သော လောကဓံတရားများနှင့် တွေ့ကြုံရသောအခါ အကြင်မိတ်ဆွေတို့သည် အရာရာတွင် ကိုယ်ရောစိတ်ပါ ကူညီအားပေး ကြသည်။ ထိုမိတ်ဆွေတို့သည် အမြဲတမ်း ပေါင်းသင်းထိုက်၊ မှီဝဲအပ်သော မိတ်ဆွေကောင်းတို့ ဖြစ်ပါသည်။ သတိပြုနိုင်ကြပါစေ...


မိတ်ဆွေကောင်းအင်္ဂါ(၇)ပါး

(၁) ဒုဒ္ဒဒံ ဒဒါတိ -
ပေးနိုင်ခဲ့သော အရာဝတ္ထုကိုပေး၏။

(၂) ဒုက္ကရံ ကရောတိ -
ပြုနိုင်ခဲ့သော အမှုကို ပြုပေးတတ်၏။

(၃) ဒုက္ခမံ ခမတိ -
သည်းခံနိုင်ခဲသော အရာကို သည်းခံ၏။

(၄) ဂုယှမဿ အာဝိကရောတိ -
မိမိ၏လျှို့ဝှက်အပ်သောအရာကို ထင်စွာပြု၏။

(၅) ဂုယှမဿ ပရိဂုဟတိ -
အဆွေခင်ပွန်း၏ လျှို့ဝှက်အပ်သောအရာကို လျှို့ဝှက်၏။

(၆) အာပဒါသု နဇဟတိ -
ဘေးရန်တို့ကြောင့် မစွန့်ပစ်။

(၇) ခီဏေန နာတိမညာတိ -
ပစ္စည်းဥစ္စာ ကုန်ခြင်းကြောင့် မထီမဲ့မြင်ပြုခြင်း။

တို့ ဖြစ်ကြသည်။

Friday, October 17, 2008

ရိုသေဂါရဝပြုကြစို့

ရိုသေဂါရဝပြုကြစို့



မြင်းမိုရ်တောင်ဦး မကကျူးသည့် ကျေးဇူးအရှင် မွေးမိခင်နှင့် ဖခင်တို့သည် အနန္တဂိုဏ်းဝင်များ ဖြစ်ကြပါသည်။ မိဘများသည် သားသမီးတို့အပေါ် ဖ၀ါးလက်နှစ်လုံး ပခုံးလက်နှစ်သစ်၊ ၀ါးဖက်တော် ကဆီနှစ်နှင့် လူဖြစ်အောင် ကျွေးမွေး ပြုစုစောင့်ရှောက်လျက် ကျေးဇူးကြီးမားသူများ ဖြစ်ကြပါသော်လည်း သားသမီးများ ကြီးပြင်းလာကြသော် မိအိုဖအိုများ အပေါ် ရိုရိုသေသေ လေးလေးစားစား နှင့် လုပ်ကိုင်ကျွေးမွေးလျက်ရှိသည့် သားသမီးများ ရှိကြသလို ကျွေးမွေး စောင့်ရှောက်ခြင်း ကင်းမဲ့ကြသည့် သားသမီးများလည်း ရှိပါသည်။

သားဆိုး သမီးဆိုးတို့က မိအိုဖအိုတို့ကို ကျန်းမာရေး မကောင်းသည့်အခါ ဖုတ်ဝင်သည်ဟု ဆိုပြီး အစားအစာ မကျွေးကြဘဲ အသေသတ်သည့် သားသမီးများ ရှိနေဆဲဖြစ်သည်။ ဤသို့ မိခင်ဖခင် တို့အပေါ် ပြစ်မှား ကျူးလွန်ကြခြင်း ကြောင့် ပဉ္စာနန္တရိယ ကံကြီးထိုက်ကာ လပိုင်း နှစ်ပိုင်းအတွင်း အစားဆင်းရဲခြင်း၊ အ၀တ်ဆင်းရဲခြင်း၊ အနေဆင်းရဲခြင်း စသည့် ဆင်းရဲခြင်းဒုက္ခမျိုးစုံတို့ကို ခံစားနေကြရသည့်အပြင် သက်တမ်းစေ့ မနေကြရဘဲ ငယ်ငယ်ရွယ်ရွယ်နှင့်ပင် ဘ၀နိဂုံး ချုပ်ကြရသည်။

မိအိုဖအိုတို့ကို ရိုရိုသေသေ လေးလေးစားစား မြတ်မြတ်နိုးနိုးနှင့် ကျွေးမွေးစောင့်ရှောက် လျက်ရှိသည့် လိမ္မာ ယဉ်ကျေးသော သားသမီးတို့သည် ယခု မျက်မှောက်ကာလတွင် ကျန်းကျန်းမာမာ ချမ်းချမ်းသာသာ ရှိကြပါကြောင်း၊ အနန္တ ဂိုဏ်းဝင် ကျေးဇူးရှင် အပေါင်းတို့ကို ကာယကံ၊ ၀စီကံ၊ မနောကံတို့ဖြင့် မသိမလိမ္မာ၍ ပြစ်မှား ကျူးလွန်ခဲ့သည် ရှိကြပါသော် လက်အုပ်ချီမိုး၊ ရှိခိုးကန်တော့ တောင်းပန်ပါက မိမိတို့ ကျူးလွန်မိသည့် အပြစ်များ ကင်းလွတ်လျက် သုခချမ်းသာ ရရှိကြမည် ဖြစ်ပါသည်။

ထို့ကြောင့် ဗုဒ္ဓဘာသာဝင် သူတော်စင်အပေါင်းတို့က ၀ါဝင်၊ ၀ါထွက်၊ သီတင်းကျွတ်၊ တန်ဆောင်တိုင် အခါကြီး ရက်ကြီး နေ့ထူး နေ့မြတ်များတွင် ဘုရားအစရှိသော တရား သံဃာ မိဘ ဘိုးဘွားသက်ကြီး ရွယ်အို ဆရာသမား များကို ရိုသေဂါရ၀ဖြင့် ပူဇော် ကန်တော့ ကြသည်က အပါယ်ဆင်းရဲ၊ ၀ဋ်ဆင်းရဲ အပေါင်းတို့မှ ကင်းဝေးခြင်း၊ မျက်မှောက်ကာလ များတွင် ဘေးအပေါင်း၊ ရန်အပေါင်း၊ အန္တရာယ်အပေါင်းတို့မှ ကင်းဝေးလျက် ကျန်းမာ ချမ်းသာခြင်း အပေါင်းနှင့် ပြည့်စုံ ကြမှာ ဖြစ်ပါသည်။


လိမ္မာယဉ်ကျေးသော အမျိုးကောင်း သားသမီး ရတနာများ ဖြစ်ကြပါစေ…
အလိမ္မာစာမှာရှိ ဗုဒ္ဓစာပေကြည့် ….
စိတ်ကောင်းရှိ သီလမြဲ ချမ်းသာကြမည် မလွဲ …. ။

Thursday, October 16, 2008

ဓမ္မရာဇိက






ဓမ္မရာဇိက


ဓမ္မရာဇိကစေတီကို ၁၈-၁၀-၁၁၉၈ ခုနှစ်တွင် နရပတိစည်သူမင်း တည်ခဲ့သည်။ ဘုရားရှိ ကျောက်စာတွင် ဓမ္မရာဇိက ဟုဖော်ပြထားသည်။

ဓမ္မရာဇိကဘုရား အရှေ့မျက်နှာ တ၀ဂူအတွင်းရှိ ဓမ္မရာဇက ကျောက်စာအရ နရပတိစည်သူမင်းသည် ၆-၁၀-၁၁၉၆ တွင် သစ်မထီး အရပ်၌ ပုထိုးတည်ရန် မြေနေရာတွေ့ခဲ့ကြောင်း၊ ထိုမြေနေရာအတွက် သစ်မထီးအရပ်ရှိ မထေရ်တို့ထဲ တောင်းပန်ရာ ခွင့်ပြုခဲ့ကြောင်း၊ ၁-၉-၁၁၉၇ တွင် ကျောက်ဖျာထက်၌ အုတ်မြစ်ချ ခဲ့ကြောင်း၊ ဘုရားတွင် ဌာပနာရန် သီဟိုဠ်သို့ ဓာတ်တော်တောင်း စေလွှတ်ပြီး ဓာတ်တော်လေးဆူကို ဌာပနာခဲ့ကြောင်း၊ ဘုရားတည်ဆောက်ရာ လက်ခငွေ (၄၄၀၂၇)ကျပ်၊ (၁၈)ပဲ လုံး ကုန်ကျခဲ့ကြောင်း သိရှိရပါသည်။ ထို့ပြင် ထိုကျောက်စာတွင် ပုဂံခေတ် မြန်မာနိုင်ငံ၏ လေးမျက်နှာ နယ်နိမိတ်၊ ခရိုင်အမည်၊ တိုက်အမည်နှင့် ပုဂံခေတ်စစ်အင်အား တို့ကို ဖော်ပြထားသည်။

ဓမ္မရာဇိကစေတီတွင် ပထမပစ္စယာကစ၍ လက်ယာရစ်လှည့်ပြီး ပစ္စယာအဆင့်ဆင့် ဘေးဘက်တွင် (၅၅၀)ဇာတ်များနှင့် ဘုရားဖြစ်တော်မူသည့် ဗုဒ္ဓ၀င်ခန်းစဉ် စိမ်းသုတ်အုတ်ချပ်(စဥ့်ကွင်း)များကို ကမ္ပည်းစာ များနှင့်တကွ တွေ့နိုင်သည်။

(ဓမ္မရာဇိက စေတီရှိ စဥ့်ကွင်းများကို အေဒီ ၁၈၉၀ မှ ၁၉၀၀ အတွင်း ဂျာမန်လူမျိုး ဘူမိဗေဒပညာရှင် ဒေါက်တာ ဖရစ်ဗွန်နွတ်တလင် ကလည်းကောင်း၊ ခရစ် ၁၈၉၉ တွင် ဂျာမန်လူမျိုး ထောမန်ခေါင်းဆောင်သော အဖွဲ့ လည်းကောင်း ခိုးယူသွားခဲ့ဖူးသည်။)

Wednesday, October 8, 2008

မနုဟာဘုရား






မနုဟာဘုရား


မနုဟာဘုရားကို အေဒီ (၁၀၆၈)တွင် မနုဟာမင်း တည်ခဲ့သည်။ မနုဟာမင်းသည် မြင်းကပါအရပ်တွင် အကျယ်ချုပ်ဘဝဖြင့် နေရစဉ် မြင်းကပါ သူဌေးထံ မနောမယ ကြောင်မျက်ရွဲလက်စွပ်ကို ရောင်းချခဲ့ရာ ငွေလှည်း ၆ စီးတိုက် ရရှိခဲ့သည်။ မနုဟာမင်းသည် ထိုငွေဖြင့် လောကနန္ဒာသင်္ဘောဆိပ် အရှေ့မြောက် စောင်းအရပ်ရှိ သီရိဇေယျဘုံမိ ကုန်းတွင် ၁၅-၈-၁၀၆၇ တွင် ဘုရားစတင်တည်ရာ ၁၂-၃-၁၀၆၈ တွင် ပြီးစီးခဲ့သည်။ မနုဟာဂူ ဘုရားသည် စတုရန်းပုံ နှစ်ထပ် အဆောက်အဦးဖြစ်ပြီး ပစ္စယာများ အထက်၌ စေတီရံများ ရှိသည်။

မနုဟာဂူဘုရားအတွင်း ဗုဒ္ဓရုပ်ပွားဆင်းတု (ဘူမိဖဿမုဒြာ)သုံးဆူ ရှိပြီး အလယ်မှ ပဓာနဗုဒ္ဓရုပ်ပွား ဆင်းတုတော်ကြီးသည် (၁၀.၂၄)မီတာ၊ (၃၃.၅)ပေ မြင့်ပြီး ဘေး ၂ ဖက်မှ ဗုဒ္ဓရုပ်ပွား ဆင်းတုနှစ်ဆူသည် (၆.၂၅)မီတာ၊ (၂၀.၅)ပေ မြင့်သည်။ ဂူဘုရား၏ အနောက်ဘက် အခန်းတွင် အလျား (၂၈.၈၀)မီတာ၊ ၉၄.၅)ပေ ရှိသည့် လျောင်းတော်မူ ဗုဒ္ဓရုပ်ပွားတော် ရှိသည်။

မနုဟာဂူဘုရား အပြင်ပတ်လည်တွင် အင်္ဂတေပန်းတော့ လက်ရာ၊ ဘီလူး ပန်းဆွဲများဖြင့် တန်ဆာဆင်ထားသည်။ မနုဟာဘုရား ရှေ့မျက်နှာစာတွင် ကြီးလားလှသည့် သပိတ်ကြီးရှိသည်။

Followers

Labels

Comments