ကျေးဇူးတင်လွှာ


ဒီစာမျက်နှာလေးဖြစ်မြောက်ဖို့ တစ်ဖက်တစ်လမ်းက ကူညီပေးကြတဲ့
ဘလော့ဂ်စာမျက်နှာပေါ်က စီနီယာတွေအားလုံး ဂျူနီယာတွေအားလုံး
ဘလော့ဂ်ချစ်သူတွေအားလုံးကို ကျေးဇူးအထူးတင်ကြောင်း ပြောပါရစေ။
အောင်မြေ စာမျက်နှာမှာ ခဏတာရောက်ခဲ့ကြတဲ့ မိတ်ဆွေများအတွက် တစ်ခုလေးလောက် အမှတ်တရဖြစ်သွားခဲ့ရင် ပီတိဖြစ်ရပါတယ်။
ဒီအတွက် ပင်ပန်းရ၊ ကြိုးစားရ တာတွေက ပျော်ရွှင်မှုကို ဖြစ်စေပါတယ်။ ဆုရည် ကြိုးစားနေပါတယ်လို့ ….

Welcome to Aung Myay Blog Welcome to Aung Myay Blog Welcome to Aung Myay Blog Welcome to Aung Myay Blog

Sunday, November 30, 2008

မဟာဗောဓိဘုရား



မဟာဗောဓိဘုရားသည် မဟာဗောဓိပုံ ကွမ်းတောင်ပေါက် လိုဏ်နှစ်ဆင့် ဂူဘုရား ဖြစ်ပြီး ၂၆-၃-၁၂၁၆ တွင် နားတောင်းများမင်းက တည်ခဲ့သည်။


အိန္ဒိယနိုင်ငံ ဘီဟာနယ် ဗုဒ္ဓဂါယာဒေသရှိ မြတ်စွာဘုရား သဗ္ဗညုတ ဥာဏ်စတင် ရရှိသည့် မဟာဗောဓိ ညောင်ပင်အနီးတွင် မဟောဗောဓီပုထိုး ပျက်စီး ယိုယွင်း နေသည်ကို ကြားသိရပြီး သွားရောက်ပြင်ဆင် မွမ်းမံခဲ့ရာမှ မြန်မာတို့ မဟာဗောဓိ ဘုရား ပုံသဏ္ဍာန်ကို သိရှိခဲ့သည်။ နားတောင်းများ မင်းလက်ထက်တွင် အိန္ဒိယနိုင်ငံရှိ မဟာဗောဓိဘုရား ပုံစံအတိုင်း တည်ခဲ့ခြင်း ဖြစ်ပြီး မူလက အိန္ဒိယနိုင်ငံ ဗုဒ္ဓဂါယာ ကဲ့သို့ ပုဂံမဟာဗောဓိဘုရား ပတ်ဝန်းကျင်တွင် သတ္တဌာန ဆိုင်ရာ အမှတ်အသား အဆောက်အအုံ များရှိခဲ့သည်။



မဟာဗောဓိ ဘုရားအပေါ်ထပ် လိုဏ်အရှေ့ နံရံတွင် ပထမ အင်းဝခေတ် ရေးကမ္ပည်း မင်စာ (၁၃)ကြောင်း ရှိသည်။ တိုက်မ၏ အပြင်နံရံ ကွမ်းတောင်အရှည်၏ အပြင်နံရံ များတွင် ဗုဒ္ဓဂါယာရှိ မဟာဗောဓိဘုရားကဲ့သို့ မုခ်ကပ် အချိုင့်များ ပြုလုပ်ကာ မတ်တပ်ရပ်၊ လျောင်းတော်မူ၊ ဗုဒ္ဓရုပ်ပွားတော် ပေါင်းများစွာကို ထည့်သွင်းထားသည်။


မဟာဗောဓိဘုရား အပြင်တွင် အင်္ဂတေ ပန်းတော့ လက်ရာများဖြစ်သည့် အင်္ဂတေ ပန်းတန်းများ၊ ငှက်ရုပ်၊ နတ်ရုပ်များဖြင့် တန်ဆာဆင်ထားသည်။

Wednesday, November 26, 2008

လေးမျက်နှာဘုရား

လေးမျက်နှာဘုရား သည် ကွမ်းတောင်ပေါက်လိုဏ် တစ်ဆင့်ဂူဘုရား ဖြစ်ပြီး ၁၅-၁၂-၁၂၂၃ တွင် အမတ်ကြီး အနန္တသူရ နှင့် ဇနီးတို့က တည်ခဲ့သည်။

လေးမျက်နှာဘုရား ကျောက်စာအရ ၁၅-၁၂-၁၂၂၃ တွင် အမတ်ကြီး အနန္တသူရ နှင့် ဇနီးက အတိုင်းမသိသောသဒ္ဓါစိတ်ဖြင့် ကုသိုလ်ကောင်းမှု ပြုကြောင်း၊ အာမနာကန် အရပ်၌ ထန်းပင်များ စိုက်ခြင်း၊ တံတိုင်းနှစ်ထပ် ခတ်ခြင်းနှင့် တံတိုင်း အတွင်း၌ ကလသားအိုး အယောင်နှင့် တူသော တင့်တယ်စွာသော စင်္ကြထက်၌ ဂူတည်ကြောင်းသရီရဓာတ်တော်ကို ကြုတ်အဆင့်ဆင့် ထည့်ပြီး ဌာပနာကြောင်း၊ စေတီအထွတ်ကို ရွှေဖြင့် ပြုလုပ်ပြီး အထွတ်ထက်၌ရွှေထီးတင်လှူခဲ့ကြောင်း တရားနာ ပရိသတ်များအတွက် ဓမ္မသာလာ ဆောက်ခြင်း၊ သခင်ထေရ် သီတင်းသုံးရန်ကျောင်းကြီးဆောက်ခြင်း၊ သခင်အရိယာတို့ သီတင်းသုံးရန် ကျောင်းများ ဆောက်ခြင်း၊ ရေတွင်းတူးခြင်း၊ ရေကန်တူးခြင်း၊ ဥယျာဉ်စိုက်ခြင်းနှင့် အရပ်လေးမျက်နှာ မှလာသောသူများ တည်းခိုရန် တန်ဆောင်းဆောက်ခြင်း၊အုတ်ဇရပ် ဆောက်ခြင်းနှင့် ကပ္ပိယငုဋီဆောက် ခဲ့ကြောင်း၊ ၄င်းတို့ကိုယ်စား ဘုရားပြုပြင်ရန် သန့်ရှင်းရေး လုပ်ရန်နှင့်ဘုရား၌ သင်ပုတ်၊ ဆီမီး၊ ဆွမ်း၊ ပန်း မပြတ်တင်ရန် အတွက် ကျွန်များ လှူခဲ့ကြောင်း သိရှိရပါသည်။

လေးမျက်နှာဘုရား၏ အတွင်းနံရံ အောက်ပိုင်းများရှိ နံရံဆေးရေး ပန်းချီများမှာ ထုံးသုတ်လိုက်သည့် အတွက် ပျက်စီးနေပြီဖြစ်သော်လည်း အပေါ်ပိုင်းတွင် နံရံဆေးပန်းချီများ ကျန်ရှိသေးသည်။ ဂူဘုရား၏ အရှေ့အ၀င်ခန်းမ ပေါင်းကူး မျက်နှာကြက်တွင် ဗုဒ္ဓခြေတော်ရာ၊ နံရံအထက်ပိုင်းတွင် မဟောသဓာဇာတ် နံရံဆေးရေးပန်းချီ (နံရံအောက်ပိုင်းထုံးသုတ်လိုက်၍ နံရံဆေး ပန်းချီများ ပျက်စီးခဲ့ပြီ ဖြစ်သည်။) များကို ကမ္ပည်းစာနှင့် တကွ လေ့လာနိုင်သည်။ ဂူဘုရားအတွင်း ပေါင်းကူး မျက်နှာကြက်တွင် ရုပ်ပုံများပါသော စက်ဝိုင်းပုံ ပန်းခက်ပန်းနွယ်များ၊ နံရံတွင် (၅၅၀)ဇာတ်ကွက်နှင့် ကမ္ပည်းစာများ၊ နှစ်ကျိပ်ရှစ်ဆူ ဘုရားများနှင့် အကြောင်းအရာ ကမ္ပည်းစာများ၊ ဗုဒ္ဓ၀င်ခန်းနှင့်ကမ္ပည်းစာများ၊ ဗုဒ္ဓရုပ်ပွားပုံများ ရှိသည်။
လေးမျက်နှာ ဂူဘုရား၏ အပြင်ဘက် မျက်နှာစာရှိ အင်္ဂတေ ပန်းတော့လက်ရာ များကို လေ့လာနိုင်သည်။

Monday, November 24, 2008

ဂူပြောက်ငယ် (မြင်းကပါ)







ဂူပြောက်ငယ် (မြင်းကပါ) သည် ကွမ်းတောင်ပေါက် လိုဏ်တစ်ဆင့် ဂူဘုရားဖြစ်ပြီး အေဒီ(၁၁၉၈) တွင် တည်ခဲ့သည်။ ဂူပြောက်ငယ် (မြင်းကပါ)သည် နားထောင်များ (ထီးလိုမင်းလို) မင်းငယ်စဉ်က စာသင်ပေးသော အကြေတလ အရှေ့ မောလညာရွာ ဇာတိမဟာထေရ် ဓမ္မရာဇဂုရု သီတင်း သုံးသွားသော ဘုရားဖြစ်သည်ဟု အဆိုရှိသည်။

ဂူပြောင်ငယ် (မြင်းကပါ) ဘုရားတွင် နံရံဆေးရေး ပန်းချီဆေးရေးပန်းချီ အင်္ဂတေ ပန်းတော့လက်ရာနှင့် ကျောက်ဆစ် ပန်းတမော့ လက်ရာများ ကို လေ့လာနိုင်သည်။ ဂူပြောက်ငယ်ဘုရား အတွင်း အ၀င်ခန်းမ၊ စင်္ကြလမ်းနှင့်  တိုက်မဂူ၏ ပေါင်းကူးမျက်နှာကြက်များနှင့် နံရံများတွင် နံရံဆေးရေး ပန်းချီများရှိသည်။ တံကဲပုံ၊ ပန်းဘောင်ပုံ၊ ပန်းတောင်ပုံများနှင့် ပုဂံခေတ်ဇာတ ဂြိုဟ်နေကွက်များ ရေးဆွဲထားသည်ကို တွေ့ရသည်။ ဂူပြောက်ငယ်တွင် အေဒီ (၁၃၁၃) နှစ်ရေး ကမ္ပည်းစာ (၁၃)ကြောင်း ရှိပြီး "ကျောင်းဖြူ နန်းကျမင်း ကောင်းမှု ဖြစ်သော ပျက်စီးနေသည့် ရပ်တော်မူ ဗုဒ္ဓရုပ်ပွား ဆင်းတုကို သခင်ဖွားစောကြီးက ပြုပြင်ကြောင်း " မှတ်တမ်း ဖြစ်သည်။

ဂူပြောက်ငယ် (မြင်းကပါ)ဘုရား၏ အပြင်ဘက် မျက်နှာစာ တွင် အင်္ဂတေပန်းတော့ လက်ရာများ လေ့လာနိုင်သည်။ ဘုရားအလယ် မဏ္ဍိုင်လေး မျက်နှာရှိ ဗုဒ္ဓရုပ်ပွား ဆင်းတုတော်ကြီးများ၏ အနောက်နံရံတွင် ဖောင်းကြွဆေးချယ် အင်္ဂတေ တံကဲများ အလွန်လှပပုံကို လေ့လာနိုင်သည်။

ဂူပြောက်ငယ် (မြင်းကပါ) ဘုရား၏ အလယ်မဏ္ဍိုင် ပတ်လည်တွင် စင်္ကြလမ်းရှိပြီး စင်္ကြပတ်လမ်း၏ အပြင်နံရံရှိ မုခ်ကပ်များတွင် မူလက ဗုဒ္ဓ၀င်ခန်း ကျောက်ဆစ် ပန်းတမော့ လက်ရာများရှိသည်။ (၁၉၉၃) ခုနှစ်တွင် ဗုဒ္ဓ၀င် ခန်းကျောက်ဆစ် ရုပ်တုရှစ်ဆူကို ပုဂံရှေးဟောင်း ယဉ်ကျေးမှုပြုတိုက်သို့ ရွှေ့ပြောင်း ပြသထားသည်။

Tuesday, November 18, 2008

သာသနာတော်ကွယ်ပျောက်ပုံ ကွယ်ပျောက်နည်းများ (၅)

၁။ အဓိဂမ သာသနာကွယ်ခြင်း
၂။ ပဋိပတ္တိ သာသနာကွယ်ခြင်း
၃။ ပရိယတ္တိသာသနာကွယ်ခြင်း
၎။ လိင်္ဂသာသနာတော်ကွယ်ခြင်း
၅။ ဓာတ်တော်ကွယ်ခြင်း ။ ။

၅။ ဓာတ်တော်ကွယ်ခြင်း

ဓာတ်တော် ကွယ်ပျောက်ခြင်း ဆိုသည်မှာ ဓာတုပရိနိဗ္ဗာန်ပြုခြင်းကို ခေါ်ဆိုပါသည်။ ဤနေရာတွင် ပရိနိဗ္ဗာန်ပြုခြင်း (၃)မျိုးကို ဖော်ပြရလျှင် ၁။ ကိလေသပရိနိဗ္ဗာန်ပြုခြင်း၊ ၂။ ခန္ဓပရိနိဗ္ဗာန်ပြုခြင်းနဲ့ ၃။ ဓာတုပရိနိဗ္ဗာန် ပြုခြင်း တို့ပဲ ဖြစ်ပါတယ်။ ထိုသုံးမျိုးတွင် ဗောဓိပင်နှင့် ရွှေပလ္လင်ဝယ် ဘုရားအဖြစ်သို့ ရောက်တော်မူသောအခါ ကိလေသာ အားလုံး ချုပ်ငြိမ်းပျောက်ကွယ်သွား ခြင်းကို ကိလေသ ပရိနိဗ္ဗာန်ပြုသည်ဟု ခေါ်ဆိုခြင်းဖြစ်ပါသည်။

မြတ်စွာဘုရား ကိုယ်တော်မြတ်ကြီး ကုသိနာရုံပြည် မလ္လမင်းတို့၏ အင်ကြင်းဥယျာဉ်တော်ဝယ် စုတိကမ္မဇရုပ်များ ချုပ်ငြိမ်း တော်မူခြင်းသည် ခန္ဓပရိနိဗ္ဗာန်ပြုသည်ဟု ခေါ်ဆိုပါသည်။

ဘုရားရှင်၏ သရီရဓာတ်တော်များ အလိုအလျှောက် မီးတောက်ကာ နောက်ဆုံးပိတ် ချုပ်ငြိမ်းကွယ်ပျောက်
သွားခြင်းသည် ဓာတုပရိနိဗ္ဗာန်ပြုသည်ဟု ခေါ်ပါသည်။ ဘုရားရှင်၏ ဓာတ်တော်များသည် မိမိတို့ တည်ရှိရာအရပ်၌ ကိုးကွယ်ပူဇော်မှု မခံရလျှင် ကိုးကွယ် ပူဇော်သူများ ရှိရာသို့ ကြွတော်မူ ကြကုန်သည်။ ကာလကြာသော် အရပ်ဌာနအားလုံး တို့၌ ပူဇော် မြတ်နိုးမှု မရှိဘဲ နေကုန်သည်။ ထိုသို့ အဘက်ဘက်မှ သာသနာတော် ဆုတ်ယုတ်လာသောအခါ အရပ်ရပ်မှ ဓာတ်တော်များသည် သီဟိုဠ်ကျွန်း၌ စုပေါင်း၍
မဟာစေတီသို့ ကြွကုန်ကြလေသည်။ ထို့နောက် တစ်ဖန် နာဂဒီပကျွန်း၊ ရာဇာယတနစေတီသို့ ကြွတော်မူကုန်မည်။

ထိုမှတစ်ဖန် ဘုရားပွင့်တော်မူရာ ဗောဓိပင်နှင့် ရွှေပလ္လင်ရှိရာ အရပ်သို့ ကြွရောက်ကုန်ကြမည်။ အားလုံးသော ဓာတ်တော်တို့သည် မဟဗောဓိပလ္လင်သို့ စုပေါင်း ရောက်လာ တော်မူကြပြီး ရွှေတုံးရွှေခဲကြီး သဖွယ်ဖြစ်၍ ရောင်ခြည်တော်ခြောက်သွယ်ကို လွတ်တော်မူကြကုန်သည်။ (သုတ်ပါထေယျ၊ သမ္ပသာဒနီယ)
ထို့နောက် သရီရ ဓာတ်တော်များမှ မီးထတောက်ကာ ထိုဓာတုနိမ္မိတ ကိုယ်တော်မြတ်ကို အကြွင်းမဲ့လောင်ကျွမ်း လေမည်။ ထိုမီးညွှန့် မီးလျှံသည် ဗြဟ္မာ့ပြည်တိုင်အောင် တက်လေသည်။ မုန်ညင်းစေ့လောက် ဓာတ်တော်လေး တစ်ဆူ ကြွင်းကျန်နေသေးလျှင် မီးလျှံမစံသေးပေ။ ဘုရားရှင်၏ သရီရ ဓာတ်တော်များ ကုန်ဆုံးမှသာလျှင် မီးလျှံစဲတော့သည်။

ဤသို့ဖြင့် ဓာတ်တော်များ စုဝေး၍ ကြီးကျယ်သော တန်ခိုးပြာဋိဟာကို ပြတော်မူပြီး ဓာတ်တော်များ ကွယ်ပျောက်လေသည်။ ထိုနေရာသို့ စုဝေးရောက်လာကြသော နတ်ဗြဟ္မာ အပေါင်းတို့သည် ဘုရားရှင် ခန္ဓပရိနိဗ္ဗာန် ပြုသောနေ့ကဲ့သို့ ပန်းနံ့သာ၊ တူရိယာ စသည်တို့ဖြင့် ပူဇော်ကာ လက်ျာရစ် သုံးကြိမ်လှည့်ပြီး ရှိခိုး၍ နောင်အခါ ပွင့်လတ္တံ့သော ဘုရားရှင်ကို ဖူးမျှော်ရပါစေသား ဆုများတောင်း၍ မိမိတို့၏ ဘုံဌာနသို့ ပြန်သွားကြလေတော့သည်။ ဤမှစ၍ ဓာတ်တော်သာသနာ ကွယ်ပျောက်တော့လေသည်။

ဤသို့ဖြင့် ဝေနေယျမျာစွာကို သနားတော်မူ၍ သဒ္ဓါတရားကို အခြေခံကာ လေးသင်္ချေနှင့် ကမ္ဘာတစ်သိန်း
ကာလပတ်လုံး လူသာမန်ပုဂ္ဂိုလ်တို့ ပြုလုပ် ဖြည့်ကျင့်နိုင်ခဲသော ပါရမီသုံးဆယ်၊ စွန့်ခြင်းကြီးငါးပါး၊ စရိယသုံးပါးတို့ အရင်းခံကာ တည်ထောင်ခဲ့သော ဘုရားရှင်၏ သာသနာတော်ကြီးသည် ကွယ်ပျောက် ချုပ်ငြိမ်း ရပါလိမ့်မည်။

ထို့ကြောင့် မြတ်စွာဘုရားရှင်၏ သာသနာတော်ကြီး ယခုလို နေလိုလလို ထွန်းတောက်ဆဲ ကာလ၀ယ် အချိန်ရှိခိုက် လုံ့လစိုက်၊ လသာတုန်း ဗိုင်းငင်ကာ ကုသိုလ်ကောင်းမှု အစုစု၌ အပ္ပမာဒ သတိတရားဖြင့် တတ်အားသရွေ့ ကြိုးစားနိုင် ကြစေရန် စေတနာသန့်သန့်ဖြင့် တင်ပြလိုက်ရပါသည်။

သာသနာတော်ကွယ်ပျောက်ပုံ ကွယ်ပျောက်နည်းများ (၄)


၁။ အဓိဂမ သာသနာကွယ်ခြင်း
၂။ ပဋိပတ္တိ သာသနာကွယ်ခြင်း
၃။ ပရိယတ္တိသာသနာကွယ်ခြင်း
၎။ လိင်္ဂသာသနာတော်ကွယ်ခြင်း
၅။ ဓာတ်တော်ကွယ်ခြင်း ။ ။

၎။ လိင်္ဂသာသနာတော်ကွယ်ခြင်း

ရဟန်းအသွင်အပြင်ကို လိင်္ဂ ဟု ခေါ်ပါသည်။ ၀ိနည်း စည်းကမ်းများ ချို့ယွင်းလာသဖြင့် ရဟန်း သံဃာတော် များ၏ သပိတ်၊ သင်္ကန်း သုံးစွဲပုံမှာ ကြည်ညိုဖွယ် မရှိတော့။ ဖြစ်ကတတ်ဆန်း ဝတ်ရုံ သုံးစွဲကြကုန်သည်။ ထိုအခါ ရဟန်း အသွင် ကွယ်ပျောက်ပြီး လိင်္ဂသာသနာ ကွယ်ပျောက်လေတော့သည်။

Monday, November 17, 2008

သာသနာတော်ကွယ်ပျောက်ပုံ ကွယ်ပျောက်နည်းများ (၃)


၁။ အဓိဂမ သာသနာကွယ်ခြင်း
၂။ ပဋိပတ္တိ သာသနာကွယ်ခြင်း
၃။ ပရိယတ္တိသာသနာကွယ်ခြင်း
၎။ လိင်္ဂသာသနာတော်ကွယ်ခြင်း
၅။ ဓာတ်တော်ကွယ်ခြင်း ။ ။

၃။ ပရိယတ္တိသာသနာ ကွယ်ခြင်း
ဘုရားဟော ပါဠိတော်များနှင့် အဋ္ဌကထာ စသည်တို့ကို ပရိယတ္တိသာသနာဟု ခေါ်ပါသည်။ ထိုကျမ်းစာများ ကွယ်ပျောက် ခြင်းကို ပရိယတ္တိသာသနာ ကွယ်သည်ဟု ခေါ်ပါသည်။ ဘုရားဟော ပိဋကတ်တော်များ ရှိနေသမျှ ကာလပတ်လုံး ပရိယတ္တိသာသနာ မကွယ်နိုင်ပါ။ ကာလကြာသော ဆရာ ဒကာ ချို့ယွင်းမှုကြောင့် ပရိယတ္တိသာသနာ စတင်ကွယ်ပျောက် လေတော့သည်။

ထိုအခါ အဘိဓမ္မာပိဋကတ် စတင်ဆုတ်ယုတ်ပါတော့သည်။ အဘိဓမ္မာ ပိဋကတ်တွင်လည်း ပဋ္ဌာန်းက စတင်၍ ဓမ္မသင်္ဂဏီအထိ အစဉ်အတိုင်း ဆုတ်ယုတ်ပါသည်။ ထို့နောက် အဂုင်္တ္တိုရ်၊ သံယုတ်ပါဠိတော် ဒီဃနိကာယ် အထိ ဆုတ်ယုတ်ပြီး ဒီယနိကာယ် ကွယ်ပျောက်လျှင် သုတ္တန်ပိဋကတ်တော်နှင့် ဇာတ်တော်မျှ ကိုသာ ဆောင်နိုင်ကြတော့ သည်။ ၀ိနည်းကို လဇ္ဇီ ရဟန်းတော်များ ဆောင်ကြသကဲ့သို့ ဇာတ်တော် ကိုလည်း လာဘ်လာဘကို အလိုရှိသော ပုဂ္ဂိုလ်များက ဆောင်ကြကုန်သည်။ ကာလကြာသော် ဇာတ်တော်ကို အာဂုံ မဆောင်နိုင် ကြတော့ဘဲ အထက်ဆုံး ဝေဿန္တရာ ဇာတ်တော်မှ စ၍ အပဏ္ဏက ဇာတ်တိုင်အောင် ဆုတ်ယုတ်လာတော့ သည်။ ဤသို့ ဇာတ်တော် ကွယ်ပျောက်သော် ၀ိနည်းပိဋကတ်ကိုသာ ဆောင်ကြတော့သည်။

ဝိနည်းဆောင် ရဟန်းတော်များ ရှိနေသဖြင့် ပရိယတ္တိသာသနာတော် တည်ရှိနေသေးသည်။ နောင်သော် ထိုရဟန်းတော်များ သဒ္ဓါ၊ သမာဓိ၊ ပညာ၊ ၀ီရိယ တရားတို့ လျော့နည်းလာကာ အထက် ပါရိဝါပါဠိတော်မှ စတင်၍ မဟာ ၀ိဘင်းအဆုံး ဆုတ်ယုတ်တော့သည်။

အခါတစ်ပါး၌ သဒ္ဓါတရားနှင့် ပြည့်စုံသော မင်းတစ်ပါးသည် ဆင်ကျောက်ကုန်းပေါ် ရွှေစင်နှင့် မွှန်းခြယ်ထားသော တောင်းထဲတွင် အသပြာထောင်ထုပ်ကို တင်ပြီး ဘုရားဟော ဂါထာတစ်ပုဒ် ရွတ်ဆိုနိုင်သူ သည် ဤအသပြာကို ယူလော့ဟု သုံးကြိမ်တိုင်တိုင် စည်တီး၍ လှည့်လည်သည်။ ယူမည့်သူ မရှိ၍ နန်းတော်သို့ ပြန်ပို့ရသောအခါ ပရိယတ္တိသာသနာ ကွယ်လေတော့သည်။

Saturday, November 15, 2008

သာသနာတော်ကွယ်ပျောက်ပုံ ကွယ်ပျောက်နည်းများ (၂)

၁။ အဓိဂမ သာသနာကွယ်ခြင်း
၂။ ပဋိပတ္တိ သာသနာကွယ်ခြင်း
၃။ ပရိယတ္တိသာသာနကွယ်ခြင်း
၎။ လိင်္ဂသာသနာတော်ကွယ်ခြင်း
၅။ ဓာတ်တော်ကွယ်ခြင်း ။ ။

၂။ ပဋိပတ္တိ သာသနာကွယ်ခြင်း


သမထ ဝိပဿနာနှင့် စတုပါရိသုဒ္ဓိသီလ သည် ပဋိပတ္တိ သာသနာ ဖြစ်ပါသည်။ ထိုတရားများ ကွယ်ပျောက် ခြင်းကို ပဋိပတ္တိ သာသနာကွယ်သည်ဟု ခေါ်ဆိုပါသည်။ 
သာသနာတော် နောက်ပိုင်းသို့ ရောက်လာကြသောအခါ သဒ္ဓါဝိရိယတရားများ ယုတ်လျော့လာသဖြင့် မဂ်ဖိုလ်ကို ရအောင် အားမထုတ်ချင်တော့ပေ။ စတုပါရိသုဒ္ဓိသီလ ကိုသာ ဖြည့်ကျင့်စောင့်စည်းကြကုန်သည်။ ကာလကြာသောအခါ ထိုသီလကိုပင် မစောင့်စည်းကြတော့ဘဲ သိက္ခာပုဒ်များကို ငယ်ရာမှ စတင်၍ တစတစ ကျူးလွန်လာတော့သည်။ ပါရာဇိက လေးပါးကိုသာ စောင့်စည်းကြကုန်သည်။ နောက်ဆုံး ထိန်းသိမ်းစောင့်ရှောက်သော ရဟန်းတော်များ ကွယ်လွန်လျှင် လည်းကောင်း၊ သိက္ခာပုဒ်ဆောက်တည်ခြင်းကို ချိုးဖောက်လျှင် လည်းကောင်း ပဋိပတ္တိ သာသနာကွယ်ပျောက်ခြင်း ဖြစ်လေတော့သည်။

Friday, November 14, 2008

သာသနာတော်ကွယ်ပျောက်ပုံ ကွယ်ပျောက်နည်းများ (၁)




၁။ အဓိဂမ သာသနာကွယ်ခြင်း
၂။ ပဋိပတ္တိ သာသနာကွယ်ခြင်း
၃။ ပရိယတ္တိသာသာနကွယ်ခြင်း
၎။ လိင်္ဂသာသနာတော်ကွယ်ခြင်း
၅။ ဓာတ်တော်ကွယ်ခြင်း ။ ။


၁။ အဓိဂမ သာသနာကွယ်ခြင်း
မဂ်လေးပါး၊ ဖိုလ်လေးပါး၊ ပဋိသမ္ဘိဒါလေးပါး၊ ၀ိဇ္ဇာသုံးပါး၊ အဘိညာဉ်ခြောက်ပါးတို့ကို အဓိဂမ သာသနာဟု ခေါ်ပါသည်။ ထိုတရားများသည် အဆင့်ဆင့် ကွယ်ပျောက်ကြလေသည်။ ဘုရားရှင် ပရိနိဗ္ဗာန် စံဝင်ပြီးနောက် နှစ်တစ်ထောင် အတွင်း၌သာ ပဋိသမ္ဘိဒါလေးပါးကို ရနိုင်လေသည်။ ထိုနှစ် ကျော်လွန်သောအခါ အဘိညာဉ်ခြောက်ပါးကိုသာ ရကြ တော့သည်။ ထို့နောက် ၀ိဇ္ဇာသုံးပါးသာ ရကြတော့သည်။ ကာလကြာသော် ရဟန္တာမျှသာ ဖြစ်ကြတော့သည်။

ထိုမှ ဆင့်ကဲဆင့်ကဲ ယုတ်လျော့လာရာ အနာဂါမ်ခေတ်၊ သကဒါဂါမ်ခေတ်၊ သောတာပန်ခေတ်သို့ ရောက်သွားလေသည်။ အကြင်အခါ၌ နောက်ပိတ်ဆုံးသော သောတာပန် သေလွန်သည်။ ထိုအခါတွင် အဓိဂမ သာသနာ ကွယ်ပျောက်လေတော့သည်။

သာသနာတော် ကွယ်ကြောင်း တရားများ


၁။ ရဟန်းများ တရားမနာခြင်း
၂။ စာမသင်ခြင်း
၃။ နှုတ်တက်အာဂုံ မဆောင်ခြင်း
၎။ သိအောင် မကြံစည်ခြင်း
၅။ ဓမ္မာနုဓမ္မကို မကျင့်ကြံခြင်း ဒ

(တစ်နည်း)
၁။ စာမသင်ခြင်း
၂။ တရားကို အကျယ်မဟောခြင်း
၃။ စာကို အကျယ်မပို့ချခြင်း
၎။ စာကို အကျယ်မပြန်ဆိုခြင်း
၅။ အနက်အဓိပ္ပာယ်ကို မကြံစည်ခြင်း

(တစ်နည်း)
၁။ အက္ခရာပုဒ်ပျက်တို့ဖြင့် သင်ယူခြင်း
၂။ အပြောအဆို ခက်ခဲခြင်း
၃။ စာချပုဂ္ဂိုလ်များ ရှားပါးခြင်း
၎။ လာဘ်ပေါများအောင် အားထုတ်ခြင်း
၅။ ခိုက်ရန်များ၍ သံဃာကွဲပြားခြင်း ။ ။

သမ္ဘူလဂူဘုရား







သမ္ဘူလဂူဘုရားသည် ကွမ်းတောင်ပေါက် လိုဏ်တစ်ဆင့်ဂူ ဘုရားဖြစ်ပြီး (၁၅-၂-၁၂၅၆) တွင် သုံးလူလမိဖုရား တည်ခဲ့သည်။ သမ္ဘူလ ဂူဘုရားကျောက်စာတွင် (၁၅-၂-၁၂၅၆)တွင် ကျစွာမင်း၏သမီး၊ ဥဇ္ဇနာမင်း၏ ပယ်မယား တိလောကစန္ဒြ နာမဟာဒေ၀ီ (သုံးလူလ) မိဖုရားသည် ဆောက်ခဲ့ကြောင်း ဖော်ပြထားသည်။ သမ္ဘူလဂူအတွင်း အေဒီ (၁၂၈၂) က ရေးထိုးသည့် နံရံကမ္မည်းမင်စာတွင် သုံးလူလ ကို သမ္ဘူလဟု ရေးထိုးခဲ့ရာမှ သမ္ဘူလဘုရားဟု အမည်တွင် လာခြင်းဖြစ်ပါသည်။

သမ္ဘူလဘုရားတွင် နံရံဆေးရေး ပန်းချီများနှင့် အင်္ဂတေ ပန်းတော့ လက်ရာများရှိသည်။ အ၀င်ခန်းမ၏ ပေါင်းကူး မျက်နှာကြက်တွင် ထိုင်တော်မူ ဗုဒ္ဓရုပ်ပွားပုံ အတန်း၊ နံရံတွင် သစ်ရွက်ပုံပန်းတန်း၊ အရိမေတ္တယျ ဘုရားနှင့် သက်ဆိုင်သော နံရံပန်းချီများနှင့် ပါဠိကမ္ပည်းစာများ၊ လက်ရေးလှ စာလုံးများ ရှိသည်။ အာရုံခံ ခန်းမများရှိ ပေါင်းကူး မျက်နှာကြက်တွင် ပန်းခက် ပန်းနွယ်ပုံများ၊ နံရံတွင် ဗုဒ္ဓ၀င် နံရံဆေးရေး ပန်းချီများ၊ စင်္ကြလမ်း ပေါင်းကူး မျက်နှာကြက်တွင် ထောင့်ဘောင်တန်းများ၊ စက်ဝိုင်းအတွင်း ဗုဒ္ဓရုပ်ပွားပုံများ ပါရှိသည့် ပန်းကွက်အလှများ၊ စင်္ကြံနံရံတွင် သစ်ရွက် ပန်းတန်းများ၊ နှစ်ကျိန်ရှစ်ဆူ ဘုရားပုံများ၊ လေးထောင့်ကွက်အတွင်း မှ ဗုဒ္ဓရုပ်ပွားတော်ပုံ များနှင့် အလယ်မဏ္ဍိုင် လေးမျက်နှာ ဗုဒ္ဓရုပ်ပွား ဆင်းတုများ၏ အနောက်နံရံတွင် ဗောဓိညောင်ပင်ပုံများကို လေ့လာနိုင် သည်။

သမ္ဘူလဂူဘုရား၏ အရှေ့အ၀င်မုခ်တံကဲမှ အင်္ဂတေ ပန်းတော့လက်ရာများ၊ တိုင်ဖုံးပန်းများ၊ ဘုရားအပြင် ပတ်လည်ရှိ ဘီလူးပန်းဆွဲ၊ မကာရ်း၊ ကိန္နရာ၊ မနုဟီဟ၊ ခြင်္သေ့၊ ရာမလက်ညှိုးနှင့် စိုင်ပေါင်များ ကနုတ်ပန်းများကို လေ့လာနိုင်သည်။

Monday, November 10, 2008

အရိယာဝေါဟာရ (၁၂)ပါး

အရိယာဝေါဟာရ (၁၂)ပါး

အရိယာတို့ ပြောဆိုသော စကားသည် အရိယဝေါဟာရ ဖြစ်ပါသည်။ ဒါမှမဟုတ် အကျင့်ကောင်းမြတ်ဖြူစင် သော သူတို့ ပြောဆိုသော စကားသည် အရိယဝေါဟာရ ဖြစ်ပါသည်။ အရိယဝေဟာရ (၁၂)ပါးကတော့
(၁) မုသာဝါဒ
(၂) ပိသုဏ၀ါစာ
(၃) ဖရုသ၀ါစာ
(၄) သမ္ဖပ္ပလာပ - စကားတို့ကို ရှောင်ကြဉ်၍ ပြောဆိုခြင်း
(၅) အဒိဋ္ဌေဒိဋ္ဌ၀ါဒိတာ - မမြင်သည်ကို မမြင်ဟု ပြောဆိုခြင်း
(၆) အသုတေ သုတ၀ါဒိတာ - မကြားသည်ကို မကြားဟု ပြောဆိုခြင်း
(၇) အမုတေ မုတ၀ါဒိတာ - (ဂန္ဓ၊ ရသ၊ ဖေဋ္ဌဗ္ဗ)မတွေ့သည်ကို မတွေ့ဟု ပြောဆိုခြင်း
(၈) အ၀ိညာတေ ၀ိညာတ ၀ါဒိတာ - မသိသည်ကို မသိဟု ပြောဆိုခြင်း
(၉) ဒိဋ္ဌေ အဒိဋ္ဌ၀ါဒိတာ - မြင်သည်ကို မြင်သည်ဟု ပြောဆိုခြင်း
(၁၀) သုတေ အသုတ ၀ါဒိတာ - ကြားသည်ကို ကြားသည်ဟု ပြောဆိုခြင်း
(၁၁) မုတေ အမုတေ ၀ါဒိတာ - (ဂန္ဓ၊ ရသ၊ ဖေဋ္ဌဗ္ဗ) တွေ့သည်ကို တွေ့သည်ဟု ပြောဆိုခြင်း။
(၁၂) ၀ိညာတေ အ၀ိညာတ ၀ါဒိတာ - သိသည်ကို သိသည်ဟု ပြောဆိုခြင်း

အနရိယဝေါဟာရ (၁၂)ပါး

ပုထုဇဉ်တို့ ပြောဆိုသော စကားသည် အနရိယဝေါဟာရ ဖြစ်ပါတယ်။ ဒါမှမဟုတ် မဖြူစင်သော၊ မသန့်ရှင်းသော၊ မကောင်းမြတ်သော သူတို့၏ စကားသည် အနရိယဝေါဟာရ ဖြစ်ပါတယ်။

(၁) မုသာဝါဒ
လိမ်လည် လှည့်ပတ် ပြောဆိုခြင်း။
(၂) ပိသုဏ၀ါစာ
သူနှစ်ဦးကြား ဂုံးချောစကား ပြောဆိုခြင်း။
(၃) ဖရုသ၀ါစာ
ကြမ်းတမ်းသောစကား ပြောဆိုခြင်း။
(၄) သမ္ဖပ္ပလာပ
သိမ်ဖျဉ်းသော စကားကို ပြောဆိုခြင်း။
(၅) အဒိဋ္ဌေဒိဋ္ဌ၀ါဒိတာ
မမြင်သည်ကို မြင်သည်ဟု ပြောဆိုခြင်း။
(၆) အသုတေ သုတ၀ါဒိတာ
မကြားသည်ကို ကြားသည်ဟု ပြောဆိုခြင်း။
(၇) အမုတေ မုတ၀ါဒိတာ
(ဂန္ဓ၊ ရသ၊ ဖေဋ္ဌဗ္ဗ)မတွေ့သည်ကို တွေ့သည်ဟု ပြောဆိုခြင်း။
(၈) အ၀ိညာတေ ၀ိညာတ ၀ါဒိတာ
မသိသည်ကို သိ၏ဟု ပြောဆိုခြင်း။
(၉) ဒိဋ္ဌေ အဒိဋ္ဌ၀ါဒိတာ
မြင်သည်ကို မမြင်ဟု ပြောဆိုခြင်း။
(၁၀) သုတေ အသုတ ၀ါဒိတာ
ကြားသည်ကို မကြားဟု ပြောဆိုခြင်း။
(၁၁) မုတေ အမုတေ ၀ါဒိတာ
(ဂန္ဓ၊ ရသ၊ ဖောဋ္ဌဗ္ဗ) တွေ့သည်ကို မတွေ့ဟု ပြောဆိုခြင်း။
(၁၂) ၀ိညာတေ အ၀ိညာတ ၀ါဒိတာ
သိသည်ကို မသိဟု ပြောဆိုခြင်း

Wednesday, November 5, 2008

ကမ္ဘာ့ဘာသာအယူဝါဒများ (၆)

ရှေးဟောင်းဥရောပ

ဦးချိုတွေနဲ့ နတ်ဘုရားကိုတော့ ဆဲလ်တစ် တို့က မြေဆီမြေသြဇာ ကောင်းစေဖို့ ပူဇော်ပသကြ တာကို မကြာခဏ တွေ့ရှိကြရ ပါတယ်။ ရေတွင်းတွေ ချောင်းတွေမှာလည်း ဆဲလ်တစ် တို့ ယဇ်ပူဇော်ထားတဲ့ လူဦးခေါင်းပြတ်တွေကို တော်တော်များများ တွေ့ရပါသေးတယ်။ ခရစ်ယာန်ဘာသာက ဥရောပမြောက်ပိုင်းဆီ နောက်ကျပြီးမှ တဖြည်းဖြည်းချင်း ထိုးဖောက် ၀င်ရောက်လာခဲ့ပါတယ်။ ဆဲလ်တစ် တွေနဲ့ ဂျာမန်တွေ လူမျိုးချင်း ရင်းနှီးပေါင်း စပ်ကြရင်း သူတို့ ကိုးကွယ်ကြတဲ့ ဘာသာတွေဟာ သူတို့ ရှေးဟောင်း နေ့စဉ် လူနေမှု ဘ၀တွေမှာ တွယ်ကပ် နေပါတော့တယ်။ ကျွန်တော်တို့ သိနေကြတဲ့ သူတို့ရဲ့ ကိုးကွယ်မှု တွေကိုလည်း မပြည့်စုံတဲ့ အထောက်အထား အချို့ကနေပြီး ကောက်ချက်ခဲ့ ကြရတာပါ။ အထူးသဖြင့် ရှေးဟောင်း ရောမ စာရေးဆရာတွေ မှတ်တမ်းတင်ခဲ့ တာတွေနဲ့ တူးဖော်တွေ့ရှိတဲ့ ရှေးဟောင်း ပစ္စည်းတွေကိုသာ အားကိုးခဲ့ကြ ရတာဖြစ်ပါတယ်။ အသေးအဖွဲ အချက်အလက်လေး တွေကို စုစည်းပြီး ယေဘုယျ ကောက်ချက်ဆွဲ ယူခဲ့ကြတာ ဖြစ်ပါတယ်။

ဒေသအနှံ့အပြားမှာ တွေနေတဲ့ စနစ်တကျ သေသေသပ်သပ် တည်ဆောက်ထားတဲ့ အပြင် အိမ်ထောင် ပရိဘောဂ ပစ္စည်း အပြည့်အစုံပါ ထည့်ပေးထားတဲ့ ဂူသင်္ချိုင်းတွေကို တွေ့ရတာကြောင့် ဆဲလ်တစ်တို့ တမလွန် ဘ၀ရှိတာကို ယုံကြည်ကြကြောင်း မှန်းဆနိုင်ခဲ့ကြပါတယ်။ အထွတ်အမြတ် ထားတဲ့နေရာ တော်တော်များများကိုလည်း အ၀င်လမ်း အတိအကျသတ်မှတ်ပြီး တသီးတသန့် လုပ်ထားကြ တာကြောင့် နောင်အခါ ခရစ်ယာန်ဘာသာ ရောက်ရှိလာချိန်မှာ ဘုရားရှိခိုးကျောင်းတွေ ဆောက်လုပ်ဖို့ အင်မတန် အဆင်ပြေတဲ့ နေရာတွေ ဖြစ်လာခဲ့ပါတယ်။

Druids ဆိုတဲ့ ဘာသာရေး ခေါင်းဆောင်တွေကို ဂန္ထ၀င် စာရေးဆရာ အမြောက်အမြားက ဖော်ပြခဲ့ပေမယ့် သူတို့ရဲ့ ပညာ၊ သူတို့ရဲ့ လွှမ်းမိုးမှုတွေကတော့ မသေမချာ မရေမရာ ဖြစ်နေဆဲဖြစ်ပါတယ်။ အကြားအမြင် မေးမြန်းပွဲတွေ၊ ပျောက်စေဆရာတွေက စိတ်တန်ခိုးနဲ့ ဆေးဝါးကုသတာတွေနဲ့ နက္ခတ္တဗေဒဆိုင်ရာ နက္ခတ်ပွဲတွေမှာ သူတို့တွေက ဘုန်းတော်ကြီးတွေ၊ ခံသမာဓိတွေ အဖြစ်နဲ့ အဓိကအခန်းကနေပြီး ပါဝင်ခဲ့ပုံ ရပါတယ်။

ကျူတွန် တို့ရဲ့ စစ်စွမ်းရည်၊ ခွန်အားစွမ်းပကားနဲ့ ရိုးသားမှုတွေကို ရောမ စာရေးဆရာ တက်ဆီတပ်စ် က ချီးမွမ်းခဲ့ပါတယ်။ ကျူတွန် တို့က နတ်ဘုရား အမြောက်အမြားကို ကိုးကွယ်ကြသူတွေမို့ ရောမစာရေးဆရာက ၄င်းတို့ရဲ့ နတ်ဘုရား အချို့ကို ရောမ နတ်ဘုရားတွေနဲ့ နှိုင်းယှဉ် ဖော်ပြလေ့ ရှိပါတယ်။

အေဒီ ၁၂၆၄ မှာ ကွယ်လွန်သွားတဲ့ အိုင်စလန် က စနော်ရီ စတာလူဆင် လို ရှေးခေတ်သူရဲကောင်း ပုံပြင်တွေကို ရေးသား မှတ်တမ်းတင်ခဲ့သူ ကြောင့် နော့စ်နတ်ဘုရားတွေ အကြောင်း ကျွန်တော်တို့ သိရှိခွင့် ရခဲ့ပါတယ်။ နတ်ဘုရားတွေကိုတော့ အုပ်စုနှစ်ခု ခွဲခြား ထားပါတယ်။ ပထမအုပ်စုကတော့ ဆီဆာ (၀ါ) ကြီးမြတ်တဲ့ နတ်ဘုရားတွေ ဖြစ်ပါတယ်။ ဒုတိယအုပ်စုကတော့ ဗနာ (၀ါ) အနိမ့်စား နတ်တွေ ဖြစ်ကြပါတယ်။ ၄င်းတို့ကတော့ လက်တုံ့ပြန်တတ်တဲ့ နတ်တွေ ဖြစ်ကြပါတယ်။ တမလွန်လောက ကိုတော့ အိုဒင် နတ်ဘုရားက စိုးမိုးတယ်လို့ ၄င်းတို့က ယုံကြည်ခဲ့ကြ ပါတယ်။ မိုးနတ်ဘုရားတော်နဲ့ ပဟေဠိဆန်တဲ့ မာယာသခင်လို ကီ နတ်တို့က အီဆာ နွယ်ဝင် ကြီးမြတ်တဲ့ နတ်ဘုရားတွေ ဖြစ်ပါတယ်။ မြေဆီစောင့်နတ် ဖရေး ကတော့ ဗနာနွယ်ဝင် အနိမ့်စား နတ်ဖြစ်ပါတယ်။ မည်သို့ပင် ဖြစ်စေ နတ်ဘုရားတွေလည်း စုတေကြရပါတယ်။ အချိန်ရောက်လာတဲ့အခါ ရာနာရော့စ် မုန်တိုင်းကြီး ဆင်လာပြီး ကမ္ဘာကို ပျက်သုန်းစေ လိမ့်မယ်လို့ ၄င်းတို့က လက်ခံထားကြပါတယ်။ အဲဒီကာလကိုတော့ နတ်ဘုရားတွေ ချုပ်ငြိမ်းကြရမယ့် ဆည်းဆာချိန်အဖြစ် ယုံကြည်ခဲ့ကြ ပါတယ်။

Debbie Gill ၏ Religions of the World

(ယခု တင်ပြမှုသည် အကျဉ်းမျှကိုသာ ဖော်ပြနိုင်ခဲ့တဲ့အတွက် တကူးတက လာဖတ်သူများအား ကျေနပ်မှု ရရှိစေမှာ မဟုတ်ဘူးလို့ ယုံကြည် ပါတယ်။ ကမ္ဘာ့ဘာသာ အယူဝါဒများနှင့် ဆက်နွယ်၍ ဘာသာကြီး တစ်ခုချင်းစီ၏ သမိုင်းကြောင်း များကိုလည်း အလျဉ်းသင့် သလို ဖော်ပြပေးသွားပါဦးမည်။ အားနည်းမှု၊ မှားယွင်းမှုများ တွေ့ရှိ ပါကလည်း မချွင်းမချန် ဝေဖန်အကြံပြုနိုင် ပါတယ်။ စာဖိတ်မိတ်ဆွေများ ကို အစဉ်ရိုသေလျက်ပါ။ ဆုရည် )

Tuesday, November 4, 2008

ကမ္ဘာ့ဘာသာအယူဝါဒများ (၅)

ဂရိနှင့် ရောမ

ရှေးဟောင်းဂရိတို့ရဲ့ နတ်ဘုရားတွေကတော့ လူပုံပန်းသဏ္ဍာန် တွေဖြစ်ပေမယ့် ထာဝရ တည်မြဲနေကြပြီး အနိစ္စတရားက ကင်းလွတ်နေကြ သူတွေဖြစ်ပါတယ်။ ၀တ်ပြု ဆုတောင်း၍ သော်လည်းကောင်း၊ အကြားအမြင် အားဖြင့် သော်လည်းကောင်း၊ အတိတ်နိမိတ် ပုံရိပ်များဖြင့် သော်လည်းကောင်း၊ ယဇ်ပူဇော်ခြင်းဖြင့် သော်လည်းကောင်း ဂရိတို့က ၄င်းနတ်ဘုရားများနဲ့ ဆက်သွယ်မှု ပြုခဲ့ကြပါတယ်။ တစ်ခါတစ်ရံ မှာလည်း နာမ်ကိန်းရှင်က တစ်ဆင့် ဒါမှမဟုတ် ဗေဒင်ဆရာက နေပြီး နတ်ဘုရားတွေက မြွတ်ဟလေ့ရှိခဲ့ပါတယ်။ နာမ်ကိန်းရှင်တွေနဲ့ ဆွေးနွေးတိုင်ပင် စေဖို့အတွက် သီးသန့် နတ်ဘုရားကျောင်း တော်ကြီးတွေကို ရှေးဟောင်းဂရိတို့ တည်ဆောက်ခဲ့ကြပါတယ်။ ဒယ်လ်ဖီ ကနတ်ဘုရားကျောင်း တွေဆိုရင် နတ်ဘုရားမအတွက် ဆောက်လုပ်ခဲ့တဲ့ ဧရာမ ကျောင်းတော်ကြီးတွေ ဖြစ်ပါတယ်။ အသေသပ်ဆုံး ဒိုရစ် ဗိသုကာ လက်ရာအဖြစ် ရပ်တည်နိုင်တဲ့အထိ အနုပညာ လက်ရာမြောက်တဲ့ ကျောင်းတော်ကြီး ဖြစ်ပါတယ်။

ရှေးဟောင်းရောမတို့ရဲ့ ဘာသာကတော့ အိမ်ထောင်စုလိုက် စွဲလန်းကိုးကွယ်မှုတွေ ဘိုးဘေးစဉ်ဆက်ကို ပူဇော်ကန်တော့တာ တွေနဲ့ စိုက်ပျိုးသီးနှံအထွက် ကောင်းစေဖို့ ပူဇော်ပသတဲ့ နတ်တွေကော မျိုးဆက်ပြန့်ပွားစေဖို့ နတ်တွေပါ ရောနှောနေပါတယ်။ တစ်ခါ ဂရိတို့ရဲ့ တိုက်ခိုက်သိမ်းပိုက် ပြီးချိန်မှာ ၄င်းတို့ ယုံကြည်ကိုးကွယ်မှုထဲ ဂရိတို့ရဲ့ နတ်ဘုရားတွေကို လိုက်လျောညီထွေစွာ ထည့်သွင်း ပေါင်းစပ်လိုက်ကြပြီး ရှေးဟောင်း ရောမယဉ်ကျေးမှုကို တိုးပွားစေခဲ့ ကြပါတယ်။

အေဒီ ၉၀ ခန့်မှာတော့ ရောမတို့ရဲ့ ကိုးကွယ်မှု မြင့်တက်လာခဲ့ ပါတယ်။ အဓိကအားဖြင့်တော့ နွားသိုးကို သတ်ဖြတ် ပူဇော်ကြတာပါ။ ရှေးဟောင်းပစ္စည်း တူးဖော်တွေ့ရှိမှုတွေမှာ ၄င်းဓလေ့ကို အများအပြား တွေ့ကြရပါတယ်။ ဒါ့အပြင် နက္ခတ္တဗေဒ ဆိုင်ရာ ဟောစာတမ်းတွေကို ရရှိခဲ့ကြတဲ့ အပြင် ၀ိညာဉ်လွတ်မြောက်ရေး အတွက် ကြယ်တာရာတွေဆီ ခရီးနှင်တဲ့ ကြယ်တာရာပုံ ကားချပ်တွေကိုလည်း တွေ့ခဲ့ကြရ ပါတယ်။ မိမိဘာသာဝင် တိုးပွားစေဖို့အတွက် ရောမစစ်တပ်ကြီးက လူသစ် အများအပြား စုဆောင်းထည့်သွင်း ပေးခဲ့ပါတယ်။ ၄င်း ဘာသာရေး ဘုရားကျောင်းတွေကို ဟတ်ဒရိန်း တံတိုင်းနဲ့ အီဂျစ်နိုင်ငံ အလက်ဇန္ဒြီးယား တို့မှာ တွေ့မြင်နိုင်ပါတယ်။

(ဆက်လက်တင်ပြပါမည်)
Debbie Gill ၏ Religions of the World

ကမ္ဘာ့ဘာသာအယူဝါဒများ (၄)

တောင်အမေရိက

အလယ်နှင့် တောင်အမေရိကရဲ့ ရှေးဟောင်း ယဉ်ကျေးမှုတွေကိုတော့ တွေ့ရှိတဲ့ ရှေးဟောင်း ပစ္စည်းအထောက် အထားတွေရယ် (၁၆)ရာစုတုန်းက မက္ကဆီကိုနဲ့ ပီရူးကို တိုက်ခိုက် သိမ်းပိုက်ခဲ့တဲ့ စပိန် ဧကရာဇ်ရဲ့ အတ္ထုပ္ပတ္တိထဲမှာ ရေးထားတာတွေကနေပြီး သိရှိခွင့်ရခဲ့ပါတယ်။ အဲဒီ ဧကရာဇ်က တောင်အမေရိကနဲ့ အလယ်အမေရိကရဲ့ ရှေးဟောင်း အမွေအနှစ် အထောက်အထား တော်တော်များများကို ဖျက်ဆီးပစ်ခဲ့ပါတယ်။ ၄င်းဒေသမှ အုပ်စိုးသူနဲ့ ဘသာရေးတို့ နီးနီးကပ်ကပ် ယှက်နွယ်ကြီးစိုး အုပ်ချုပ်ခဲ့ပုံရတာကို သိရှိရပါတယ်။

အခုအခါ မက္ကဆီလို့ ခေါ်ခဲ့ကြတဲ့ဒေသမှာ ဘီစီ ၁၂၀၀ ကနေ ၅၀၀ အတွင်းက အိုလ်မက်ဘာသာ ထွန်းကားခဲ့ပါတယ်။ တောင်အမေရိက ကျားသစ်ကို အဓိကထားပြီး တစ်ခြားတိရစ္ဆာန်တွေ၊ ငှက်တွေနဲ့ပါ ပူးတွဲ ပုံဖော်ထားတဲ့ နတ်ဘုရားတွေအဖြစ် ကိုးကွယ် ပူဇော်ခဲ့ကြပါတယ်။ ဒါပေမယ့် အိုမက် တွေကို တိုက်ခိုက် အောင်နိုင်သွားတဲ့ မာယန် တို့က ၄င်းတို့ရဲ့ ပူဇော်ပသ ကိုးကွယ်မှု တွေကို ပိရမစ်ဘုရားရှိခိုး ကျောင်းကြီးတွေ တည်ဆောက်ပြီး တခမ်းတနား ကျင်းပခဲ့ကြပါတယ်။ မာယန် တို့ရဲ့ နတ်ဘုရားတွေကိုလည်း တိရစ္ဆာန်တွေ၊ ငှက်တွေနဲ့ မကြာခဏ ယဇ်ပူဇော်ပသ ခဲ့ကြပါတယ်။

လူတွေကိုသတ်ပြီး ယဇ်ပူဇော်ရမယ့်အစား တိရစ္ဆာန်တွေကို တင်မြှောက်ကြတဲ့ ဓလေ့ပါ။ အေဒီ(၁၂)ရာစု ခန့်ကစပြီး စပိန်တွေ ကျူးကျော် တိုက်ခိုက်သိမ်းပိုက်တဲ့ ၁၅၃၂ ခုနှစ်အထိ အလယ်အမေရိကမှာ နေထိုင်ကြတဲ့ အက်ဇ်တက်ခ် တို့အနေနဲ့ နေကို ကိုးကွယ်ခဲ့ကြတဲ့အပြင် လူကို သတ်ပြီး နှစ်စဉ်ယဇ်ပူဇော်လေ့ ရှိခဲ့ပါတယ်။ ၄င်းတို့ စစ်နိုင်စဉ်က ဖမ်းဆီးလာခဲ့ကြတဲ့ သုံ့ပန်းနှစ်သောင်းကျော် အနက် အချို့ကို နှစ်စဉ် သတ်ဖြတ်ယဇ်ပူဇော်ကြပုံ ရပါတယ်။

ပီရူးရဲ့ အင်ကာယဉ်ကျေးမှုကလည်း အက်ဇ်တက်ခ် တို့နဲ့ ခေတ်ပြိုင် တည်ရှိခဲ့တယ်လို့ အကြမ်းဖျဉ်း သတ်မှတ်လို့ရပါတယ်။ ပူဇော်ပသပွဲတွေ နတ်ကိုးကွယ်တာတွေနဲ့ ယဇ်ပူဇော်တာတွေကို အခြေခံထားတဲ့ သူတို့ရဲ့ ဘာသာက လက်တွေ့ကျကျ ပြောရရင် များသောအားဖြင့် စိတ်စိညာဉ်ပိုင်းနဲ့ မပတ်သက်ပါ။ ပြည်သူလူထု အများစုကြီး ၀၀လင်လင် စားသောက်ရရေး အတွက် ကောက်ပဲသီးနှံ အထွက်ကောင်းဖို့ကိုသာ အဓိကထားပြီး ပူဇော် ပသခဲ့ကြတာဖြစ်ပါတယ်။
တောင်အမေရိကမှာ နေထိုင်ကြတဲ့ ချာဗင်၊ မိုချီ နဲ့ ချီမူး လူမျိုးစုတွေကတော့ လနတ်ဘုရား ဒါမှမဟုတ် ကြောင်လို ရုပ်ထုတွေကို ကိုးကွယ်ခဲ့ကြ ပါတယ်။ အကယ်၍သာ စပိန်တို့က အလယ်နှင့် တောင်အမေရိကကို နယ်ချဲ့ပြီး ရိုမန်ကက်သလစ် ဘာသာထဲ အတင်းအဓမ္မ မသွတ်သွင်းခဲ့ရင် ဒီနေ့ထိ အလယ်နဲ့ တောင်အမေရိကနေ လူမျိုးစုတွေရဲ့ ရိုးရာကိုးကွယ်မှု ဘာသာတွေကို တွေ့မြင်ကြရ သိရှိကြရမှာ ဖြစ်ပါတယ်။

မာယန် နဲ့ အက်ဇ်တက်ခ် တို့က နတ်ဘုရား ရုပ်ထုပေါင်း မြောက်အမြား ထုလုပ်ထားခဲ့ကြတဲ့အပြင် ရွှေ၊ ငွေ တို့နဲ့ ပြုလုပ်ထားတဲ့ ရှေးဟောင်း လက်ရှာတွေ မှာလည်း ၄င်းတို့ရဲ့ ကိုးကွယ်မှုတွေကို ဖော်ကျူးထားကြပါသေးတယ်။ ယဇ်ပူဇော်တဲ့ တိရစ္ဆာန်တွေရဲ့ သားရေကို ခွာပြီး ၄င်းအပေါ်မှာ XIPE TOLEC လို့ ရေးထွင်းခြင်းမှ သည် မြွေအရေခွံမှာတောင် ငှက်ပုံထွင်းထားခဲ့ကြပါတယ်။
(ဆက်လက်တင်ပြပါမည်)
Debbie Gill ၏ Religions of the World

Sunday, November 2, 2008

ကမ္ဘာ့ဘာသာအယူဝါဒများ (၃)

အီဂျစ်

အဆင့်မြင့်မြင့် ဖွဲ့စည်းတည်ထောင် ထားခဲ့သည့် ရှေးဟောင်း အီဂျစ်ယဉ်ကျေးမှုသည် ယနေ့အထိ ကမ္ဘာတွင် အံ့သြစရာ အသစ်အဆန်း ဖြစ်နေဆဲပါ။ လွန်ခဲ့သော နှစ်ပေါင်း ၃၀၀၀ ကျော်ကတည်းက မြို့ပြများ ထူထောင်ကာ လူနေမှု အဆင့်အတန်း မြင့်မြင့်မားမား နေထိုင်ခဲ့ကြပြီး တောင့်တင်းခိုင်မာတဲ့ လူတန်းစား ဖွဲ့စည်းမှုတစ်ရပ် ရှိခဲ့ပါတယ်။ ဒါ့အပြင် အီဂျစ်တို့မှာ ထူးခြား ပြောင်မြောက်တဲ့ စာပေအရေး အသားလည်း ရှိခဲ့တာကြောင့် ၄င်းတို့ရဲ့ ရှုပ်ထွေး အရေးပါတဲ့ ယဉ်ကျေးမှုကို နှောင်းခေတ် မျိုးဆက်သစ်တွေက အပြည့်အစုံ မဟုတ်တောင် တော်တော်များများကိုတော့ နားလည် သဘောပေါက်နိုင်ကြ ပါတယ်။

၎င်းတို့ရဲ့ ဘာသာရေးမှာ ယစ်ပူဇော်ပွဲတွေနဲ့ ယူဇော်ပသတဲ့ပွဲ အခမ်းအနားသဘင်တွေ အလွန်အရေးပါခဲ့ပါတယ်။ ဒါ့အပြင် ဘုန်းတော်ကြီး တွေကလည်း အလွန်တန်ခိုးထွားတဲ့ လူတန်းစား တစ်ရပ်ဖြစ်ခဲ့ပါတယ်။ ဓမ္မတာ အတိုင်းပဲ နှစ်ကာလ သိပ်ရှည်ကြာလာတဲ့ အခါမှာ အဟောင်းနေရာကို အသစ်က အစားဝင်လာပြီး အီဂျစ်တို့ရဲ့ ရှေးဟောင်း ဘာသာရေး ထုံးတမ်းစဉ်လာတွေလည်း ပြောင်းလဲလာခဲ့ပါတယ်။ အကွဲကွဲ အပြားပြား ပူဇော်ပသနေကြတဲ့ နတ်ဘုရား တွေကို စုစည်းလိုက်ပြီး အသစ်ဖြစ်ထွန်းမှု တစ်ရပ်ကို ထူထောင်ခဲ့ကြပါတယ်။ နိုင်းလ်မြစ်ကမ်း နှစ်ဖက်မှာ စိုက်ပျိုးရေးကို အဓိကထား ရပ်တည်နေကြရသူတွေပီပီ နှစ်စဉ် မြစ်ရေလျှံပြီး မြေဆီမြေသြဇာ မြေနှစ်တွေရကာ စိုက်ပျိုးသီးနှံတွေ အထွက်ကောင်းစေရေး အတွက် သဘာဝတရားကြီးကို ကိုယ်စားပြုတဲ့ လူတစ်ပိုင်း၊ တိရိစ္ဆာန်တစ်ပိုင်း ရုပ်ထုတွေ စီမံပြီး ကိုးကွယ်လာကြပါတယ်။

အီဂျစ်တွေမှာ ဘာသာရေးဆိုင်ရာ ကျမ်းတွေ သတ်သတ်မှတ်မှတ် မရှိခဲ့သည့်အပြင် ဘုရားသခင်နဲ့ ပတ်သက်တဲ့ အမှန် တရားကိုလည်း ထုတ်ဖော် ရေးသားထားခဲ့တာ မတွေ့ရပါဘူး။ ဒဏ္ဍာရီတွေ၊ ပုံပြင်တွေထဲမှာတော့ နတ်ဘုရားတွေ အကြောင်းနဲ့ ၄င်းတို့ တစ်ပါးနဲ့တစ်ပါး ဆက်နွယ်မှုတွေကို ရေးသားထားကြပြီး ၄င်းတို့ အထွတ်အမြတ် ထားကြတဲ့ ယုံကြည် ကိုးကွယ်မှုကို ပံ့ပိုးပေးထားခဲ့ကြပါတယ်။ ၄င်းတို့ ဘာသာမှာ အဓိက ထားတာကတော့ နောင်တမလွန်ဘ၀ အတွက် ယုံကြည်မှုပါပဲ။ သက်မဲ့ခန္ဓာကိုယ်ကိုတောင် နောင်တမလွန် ဘ၀ခရီးအတွက် စနစ်တကျ ပြုပြင်စီမံ မြှုပ်နှံပြီး ဂူသွင်းခဲ့ကြ ပါတယ်။ တမလွန် ခရီးအတွက် ရွှေ၊ ငွေ၊ ရတနာ စတဲ့ တန်ဖိုးရှိ ပစ္စည်းတွေကိုလည်း ဂူထဲမှာ တစ်ပါတည်း ထည့်သွင်းပေးလိုက် ကြပါသေးတယ်။ လူကိုသာမက အိမ်မွေးတိရစ္ဆာန်ဖြစ်တဲ့ ကြောင်တွေကိုတောင် စနစ်တကျ ထုတ်ပိုးစီမံပြီး မြှုပ်နှံပေးလေ့ ရှိကြပါတယ်။

ခရစ်တော်မပေါ်မီ နှစ်ပေါင်း ၃၀၀၀ ကျော်ကတည်းက ဖေရိုးဘုရင်တွေရဲ့ ဂူသင်္ချိုင်းပိရမစ် ကြီးတွေကို အီဂျစ်နိုင်ငံမှာ ဗိသုကာ ပညာအဆင့်မြင့်မြင့်နဲ့ တည်ဆောက်ခဲ့ ကြတဲ့အပြင် ရုပ်အလောင်းတွေကိုလည်း မပုပ်မသိုး ရလေအောင် ဆေးစီရင်ပြီး ထည့်သွင်း ထားခဲ့ကြပါတယ်။ ဖေရိုးဘုရင်လေး တွမ်တပ်ခမန်ရဲ့ ရွှေမျက်နှာဖုံးစွပ်ကို မြင်ရရုံနဲ့ အီဂျစ်တို့ရဲ့ အနုပညာ အဆင့်အတန်း အင်မတန် မြင့်မားတာကို တအံ့တသြ သိနိုင်ပါတယ်။ အီဂျစ်တို့ရဲ့ အနိစ္စကျမ်း ( Book of the Dead ) ကတော့ သေခြင်းတရားနဲ့ နောင်တမလွန်ဘ၀ အတွက် ဘယ်လို ပြင်ဆင်ရမယ် ဆိုတဲ့ သြ၀ါဒတွေ ရေးသားတဲ့ ကျမ်းဖြစ်ပါတယ်။

(ဆက်လက်တင်ပြပါမည်)
( Debbie Gill ၏ Religions of the World )

Posts

Followers

Labels

Comments