ပိဋကတ်တိုက်
ပိဋကတ်တိုက်ကို အေဒီ (၁၀၅၈) တွင် အနော်ရထာမင်း တည်ဆောက်ခဲ့သည်။ အနော်ရထာမင်း လက်ထက်တွင် သထံမှ ရှင်အရဟံ ပုဂံပြည်သုိ့ ကြွလာပြီး ထေရ၀ါဒ ဗုဒ္ဓ သာသနာကို ဟောကြား ခဲ့သည့်အတွက် ပုဂံမင်းနှင့် ပြည်သူတို့ ထေရ၀ါဒ ဗုဒ္ဓသာသနာကို သက်ဝင်ယုံကြည် လာကြသည်။ အနော်ရထာသည် ရှင်အရဟံထံမှ သထံတွင် ပိဋကတ် သုံးပုံများရှိကြောင်း သိရ၍ သထံသို့ သံတမန် စေလွှတ် တောင်းခံခဲ့သည်။ သထံဘုရင် မနဟာက ပိဋကတ်သုံးပုံကို မပေးဘဲ မချေမငံ ပြောဆိုခဲ့သည်။ ထို့ကြောင့် အနော်ရထာမင်းသည် သထုံကို ချီတက် တိုက်ခိုက် သိမ်းပိုက်ကာ သထုံဘုရင် မနုဟာမင်း၊ မိဖုရား၊ မှူးမတ် အခြွေအရံ အများနှင့်တကွ ဗုဒ္ဓ ပိဋကတ်အစုံ သုံးဆယ်ကို ပုဂံသို့ ယူဆောင် ခဲ့သည်။ ထို့နောက် ပိဋကတ်သုံးပုံ စာပေများထားရန် အေဒီ (၁၀၅၈) တွင် ပိဋကတ်တိုက် ဆောက်လုပ်ခဲ့သည်။ ပိဋကတ်တိုက်၏ အပေါ်ပိုင်းတွင် အမိုးခုံးလျှောနှင့် ဘုံငါးဆင့်ရှိသည်။ ပိဋကတ်တိုက်မ သည် စတုရန်းပုံရှိပြီး တစ်ဖက်လျှင် (၅၁)ပေ ကျယ်သည်။ ပိဋကတ်တိုက်၏ အရှေ့မျက်နှာစာတွင် အ၀င်မုခ်ပေါက် သုံးပေါက်ရှိ၍ ကျန်မျက်နှာ များတွင် ပြတင်းပေါက် သုံးပေါက်စီ ရှိသည်။ ပြတင်းပေါက်တွင် တပ်ဆင်ထားသော ခြင်္သေ့ လည်ပြန်ပုံ သည် အလွန် လက်ရာမြောက်လှသည်။
0 comments:
Post a Comment