ကျေးဇူးတင်လွှာ


ဒီစာမျက်နှာလေးဖြစ်မြောက်ဖို့ တစ်ဖက်တစ်လမ်းက ကူညီပေးကြတဲ့
ဘလော့ဂ်စာမျက်နှာပေါ်က စီနီယာတွေအားလုံး ဂျူနီယာတွေအားလုံး
ဘလော့ဂ်ချစ်သူတွေအားလုံးကို ကျေးဇူးအထူးတင်ကြောင်း ပြောပါရစေ။
အောင်မြေ စာမျက်နှာမှာ ခဏတာရောက်ခဲ့ကြတဲ့ မိတ်ဆွေများအတွက် တစ်ခုလေးလောက် အမှတ်တရဖြစ်သွားခဲ့ရင် ပီတိဖြစ်ရပါတယ်။
ဒီအတွက် ပင်ပန်းရ၊ ကြိုးစားရ တာတွေက ပျော်ရွှင်မှုကို ဖြစ်စေပါတယ်။ ဆုရည် ကြိုးစားနေပါတယ်လို့ ….

Welcome to Aung Myay Blog Welcome to Aung Myay Blog Welcome to Aung Myay Blog Welcome to Aung Myay Blog

Thursday, June 26, 2008

လူချမ်းသာ စိတ်ချမ်းသာ (၁၅)

ပရာဘဝသုတ်လာ ပျက်စီးကြောင်း (၂၄)ပါး

ဘုရားရှင်သည် ပရာဘဝသုတ်တော်၌လည်း ပျက်စီးကြောင်း တရားတို့ကို ဟောထားတော်မူသည်။ အချက် အလက် ၂၄ မျိုးရှိသည်။ ဂါထာအားဖြင့် ၁၂ ပုဒ်ရှိသည်။ ပျက်စီး ဟူရာတွင် စီးပွားပျက်ရုံမက ဘဝပါပျက်စီး စေနိုင်သော အကြောင်းတရား များဖြစ်သည်။ အသိဥာဏ်မရှိသူသည် ပျက်စီးတတ်သည်။ လူမှာ အရေးအကြီး ဆုံးသည် အသိဥာဏ်၊ သို့မဟုတ် အသိစိတ်ဓာတ် ၊ အသိတရား ပင်ဖြစ်သည်။ စီးပွားရေးလည်း သိတတ်ရမည်။ လူမှုရေးလည်း သိတတ်ရမည်။ အသိတရားဟူသည် လွန်စွာကျယ်ပြန့်သည်။ မိဘအပေါ် သိတတ်ရသည်။ ဆရာသမားအပေါ် သိတတ်ရသည်။ ညီအစ်ကို မောင်နှမ ဆွေမျိုးသားချင်းအပေါ် သိတတ် ရသည်။ သူ့ဖို့၊ ကိုယ့်ဖို့ မျှ၍ သိတတ်ရသည်။ ရှေ့ရေး နောက်ရေး ထောက်ဆ သိတတ်ရသည်။ လူမှာ အသိတရား ရှိမှသာ ကြီးပွား တိုးတက်နိုင်မည်။ အသိတရား မရှိလျှင် ပျက်စီးဖို့သာ ရှိသည်။

သူယုတ်မာကို ချစ်ခင်ရင်းနှီး သံယောဇဉ်ကြီးလျှင် ပျက်စီးတတ်သည်။

သူတော်ကောင်းကို မချစ်ခင် မုန်းတီးလျှင် ပျက်စီးတတ်သည်။

မသူတော်တရားကို နှစ်သက်လျက် မသူတော်၏ အပြုအမူ၊ အပြောအဆို၊ အနေအထိုင်ကို သဘောကျ အတုယူ ကျင့်သုံးလျှင် ပျက်စီးတတ်သည်။

အအိပ် စုံမက်ခြင်း၊ အလွန်အကျွံအိပ်ခြင်း၊ အအိပ်ကြီးခြင်း၊ ပွဲလမ်းသဘင် လိုက်စားခြင်း၊ အပျော်အပါး မက်ခြင်း၊
ထကြွလုံ့လမရှိခြင်း၊ ပျင်းရိ ထိုင်းမှိုင်းခြင်း၊ အပျင်းထူခြင်း၊ အပျင်းကြီးခြင်း၊ အမျက်ဒေါသကြီးခြင်း၊ အာဃာတ ကြီးခြင်းတို့သည် ပျက်စီးရန် အကြောင်းတရားများဖြစ်သည်။

ဖအို မိအိုတို့ကို မပြုစု မစောင့်ရှောက်လျှင် ပျက်စီးတတ်သည်။

အလှူခံပုဂ္ဂိုလ်များ၊ သူတောင်းစားများကို ပစ္စည်းလေးပါးဖြင့် ဖိတ်ကြားဝန်ခံထားပြီး လက်တွေ့မလှူဘဲ မဟုတ်မမှန် ပြောကြား၍ လိမ်လည်လှည့်ပတ်လျှင် ပျက်စီးတတ်သည်။

စည်းစိမ်ဥစ္စာ ချမ်းသာကြွယ်ဝ ပြည့်စုံပေါများသူ ဖြစ်ပါလျက် အလှူကိစ္စသတိမရ၊ မလှူဒါန်း မဝေငှဘဲ မိမိတို့သာ စားသောက်ပျော်ပါး ခံစားနေလျှင် ပျက်စီးတတ်သည်။

စီးပွားလာလျှင် အလှူအတန်း မပြတ်ပြုထားရသည်။ မပြုလျှင် စီးပွားပျက်တတ်သည်။

အမျိုးမာန်ခက်ထန်ခြင်း၊ အနွယ်မာန်ခက်ထန်ခြင်း၊ ဥစ္စာမာန်ခက်ထန်ခြင်း၊ ပညာမာန်၊ ရာထူးမာန် စသည်ခက်ထန်ခြင်း၊ မိမိဆွေမျိုးကို မထီမဲ့ပြုခြင်း ဤသဘောတရားတို့သည် ပျက်စီးကြောင်းများဖြစ်သည်။

မ, လိုက်စားခြင်း၊ အရားသမားဘွဲ့ထူးခံခြင်း၊ လောင်းကစားဝါသနာကြီးခြင်းတို့သည် ပျက်စီးကြောင်း တရားများ ဖြစ်သည်။

ကာမဂုဏ် အပျော်အပါးလိုက်စားခြင်း၊ မိမိအိမ်သူအပေါ် သစ္စာမစောင့်ခြင်းတို့သည် ပျက်စီးရာ ပျက်စီးကြောင်း တရားများဖြစ်သည်။

အသက်အရွယ်လွန်သူဖြစ်လျက် ငယ်ရွယ်သူ အမျိုးသမီးနှင့် အိမ်ထောင်ပြုလျှင် ပျက်စီးတတ်သည်။

ဥစ္စာ စည်းစိမ် ဂုဏ်သိမ်မရှိပါဘဲ အလိုရမ္မက်ကြီးခြင်း၊ ဥစ္စာစည်းစိမ် ဂုဏ်သိမ်မရှိပါဘဲ မင်းအဖြစ် တောင်းတခြင်း တို့သည် ပျက်စီးကြောင်းများဖြစ်သည်။

လူချမ်းသာဖြစ်လိုလျှင် အမျိုးသား၊ အမျိုးသမီးသည် ဘုရားဟောသော အထက်ပါ ပျက်စီးကြောင်းတရားများကို ရှောင်ရှားနိုင်၍ လူ့စည်းစိမ်၊ လူ့ချမ်းသာကို ကြိုးစား၍ တည်ဆောက်နိုင်ရာသည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

0 comments:

Posts

Followers

Labels

Comments