ကျေးဇူးတင်လွှာ


ဒီစာမျက်နှာလေးဖြစ်မြောက်ဖို့ တစ်ဖက်တစ်လမ်းက ကူညီပေးကြတဲ့
ဘလော့ဂ်စာမျက်နှာပေါ်က စီနီယာတွေအားလုံး ဂျူနီယာတွေအားလုံး
ဘလော့ဂ်ချစ်သူတွေအားလုံးကို ကျေးဇူးအထူးတင်ကြောင်း ပြောပါရစေ။
အောင်မြေ စာမျက်နှာမှာ ခဏတာရောက်ခဲ့ကြတဲ့ မိတ်ဆွေများအတွက် တစ်ခုလေးလောက် အမှတ်တရဖြစ်သွားခဲ့ရင် ပီတိဖြစ်ရပါတယ်။
ဒီအတွက် ပင်ပန်းရ၊ ကြိုးစားရ တာတွေက ပျော်ရွှင်မှုကို ဖြစ်စေပါတယ်။ ဆုရည် ကြိုးစားနေပါတယ်လို့ ….

Welcome to Aung Myay Blog Welcome to Aung Myay Blog Welcome to Aung Myay Blog Welcome to Aung Myay Blog

Monday, June 30, 2008

လူချမ်းသာ စိတ်ချမ်းသာ (၁၈)

စီးပွားဟူသည် စည်းရှိမှ ပွားသည်

စီးပွားဟူသည် စီးလို့ ပွားသည် မဟုတ်ပါ။ စည်းလို့ (စည်းကမ်းရှိလို့) ပွားလာခြင်းသာ ဖြစ်ပါသည်။ ချမ်းသာ ချင်သူသည် အသုံးအစွဲ စည်းကမ်းရှိဖို့ အထူးလိုအပ်ပါသည်။ ဟော့ဟော့ရမ်းရမ်း ၊ စည်းမဲ့ကမ်းမဲ့ သုံးစွဲသူ၊ ငွေသုံးမိုက်မဲသူသည် မွဲဆေးဖော်နေခြင်းပင် ဖြစ်သည်။ ကုဋေရှစ်ဆယ်ကြွယ်ဝသော သူဌေးသားသော်မှ ငွေကို စည်းမဲ့ကမ်းမဲ့ သုံးသဖြင့် သူတောင်းစားဘဝ ရောက်ရသော သာဓကများ ရှိခဲ့ဖူးပါသည်။

စည်းဟူသည် သူ့စည်း၊ ကိုယ့်စည်း နှင့်ဖြစ်အောင် နယ်နိမိတ် သတ်မှတ်ထားသော နယ်ခြားအမှတ်အသား ဖြစ်သည်။ ထို့ကြောင့် မိမိစည်းအတွင်းမှ မထွက်သင့်သည်များ ထွက်မသွားအောင်၊ မိမိစည်းအတွင်းသို့ မ၀င်သင့် သည်များ ဝင်မလာအောင် ထိန်းချုပ်၊ ဘောင်ခတ်ထားခြင်းဖြစ်သည်။ စည်းအတွင်း ဘောင်းတွင်း တွင် နေရသဖြင့် အရာရာ လုံခြုံမှု ရှိသည်။ စိတ်ချ လက်ချ ရှိသည်။

ကမ်းဟူသည် ထိန်းချုပ်ထားသော အနားသတ် ဖြစ်သည်။ ကမ်းမရှိလျှင် ပင်လယ် စသည်တို့ ဖြစ်မလာနိုင်။ ကမ်းရှိ၍သာ မြစ်တို့၊ ပင်လယ်တို့၊ ရေကန်တို့ ရှိရာသည်။ ထိုမြစ်၊ ပင်လယ်၊ ရေကန်တို့ ရှိ၍သာ လူအများ ချမ်းသာ နေကြရသည်။ ကမ်းရှိ၍ ရေရှိ၊ ရေရှိ၍ လူအများ ချမ်းသာကြရသကဲ့သို့ ငွေနှင့်စပ်၍ စည်းရှိ၊ ကမ်းရှိ၊ စည်းကမ်းရှိရှိ သုံးစွဲမှသာ လက်ထဲတွင် အလုံးအခဲနှင့် များများစားစား ပိုလျှံမည်ဖြစ်သည်။ ငွေပိုငွေလျှံ ရှိမှသာ လိုအပ်ရာရာ စိတ်တိုင်းကျ သုံးစွဲနိုင်မည်ဖြစ်သည်။ သို့မှသာ လူချမ်းသာ ဖြစ်နိုင်သည်။

အ၀တ်မှာလည်း စည်းကမ်းရှိရသည်။ အစားမှာလည်း စည်းကမ်းရှိရသည်။ အခြားနေမှု၊ ထိုင်မှု၊ သုံးဆောင်မှု တို့မှာလည်း စည်းကမ်းရှိရသည်။ မိမိကလည်း စည်းကမ်းရှိရသည်။ မိမိနှင့် သက်ဆိုင်သူ အိမ်သူအိမ်သား မှန်သမျှ အားလုံး စည်းကမ်းရှိရသည်။ တပည့်ငယ်သား အားလုံးသည်လည်း စည်းကမ်းရှိရသည်။ ငွေထုတ်၍ သုံးစွဲမှု မှန်သမျှ စည်းကမ်းရှိရသကဲ့သို့ ငွေပေး၍ ၀ယ်ရသော အသုံးအဆောင်ပစ္စည်းများ အပေါ်တွင်လည်း စည်းကမ်းရှိရှိ သုံးစွဲရသည်။ သို့ဖြစ်ရာ လူချမ်းသာဖြစ်ချင်သူသည် ငွေသုံးစွဲမှုနှင့် စပ်လျဉ်း၍ စည်းကမ်းရှိရန် လိုပါသည်။

(ဓမ္မပိယဆရာတော်၊ အရှင်သံဝရာလင်္ကာရ)
ဆက်လက်တင်ပြပါမည်။

0 comments:

Posts

Followers

Labels

Comments