အပယ်ရတနာဘုရား

အပယ်ရတနာ ဂူဘုရားသည် သီဟိုဠ်ပုံ လိုဏ်တစ်ဆင့် ဂူဘုရားဖြစ်ပြီး ခရစ် (၁၁) ရာစုနှောင်းတွင် ကျန်စစ်သားမင်းနှင့် အပယ်ရတနာမိဖုရားတို့ တည်ခဲ့သည်။

ကျန်စစ်သားသည် စောလူးမင်းရန်ကြောင့် မြင်းပါရွာအနီး ပုန်းအောင်းနေရစဉ် ဇနီးဖြစ်သူ အပယ်ရတနာက သွားရောက် တွေ့ဆုံခြင်း၊ ထမင်းပို့ခြင်း ပြုလုပ်ခဲ့သည်။ ကျန်စစ်သား ပုဂံထီးနန်း ရရှိပြီးနောက် အပယ်ရတနာမိဖုရား ထမင်းလာပို့ရာ အရပ်၌ အမှတ်တရအဖြစ် အပယ်ရတနာဘုရား ကိုတည်ခဲ့သည်။

အပယ်ရတနာဘုရား တိုက်မအထက်တွင် ပစ္စယာ အဆင့်များ၊ မိုးလျောများ၊ ထောင့်စေတီများဖြင့် တည်ဆောက်ထားပြီး ခေါင်းလောင်းပုံ သပိတ်မှောက် အထက်တွင် ဖရုံတုံးခံ၍ ဖောင်းရစ် အထွတ်စေတီ ရှိသည်။

အပယ်ရတနာဘုရားရှိ နံရံဆေးရေး ပန်းချီများတွင် မဟာယာန (ကြီးသောယာဉ်) ဂိုဏ်းဗုဒ္ဓဘာသာနှင့် ဟိန္ဒူအယူဝါဒနှင့် သက်ဆိုင်သော ပုံများကို အခြားဘုရား များထက် ပိုမိုတွေ့ရသည်။ ဘုရားတွင် မဟာယာန ဗုဒ္ဓဘာသာနှင့် သက်ဆိုင်သည့် ဗောဓိသတ္တ / အ၀လောကိတေသွာရ (လောကနာထ) သည် ကြာပွင့်ပေါ်ထိုင်ပြီး လက်ယာလက်တွင် ကြာပွင့်ကိုင်ကာ လက်ဝဲလက်မှာ ၀၇ဒမုဒြာ အနေအထားဖြင့် ရေးဆွဲထားသည့် ပုံများ၊ ထိုင်နေသည့် နတ်ရုပ်ပုံများ၊ မတ်တပ်ရပ် နတ်ရုပ်ပုံများ၊ ဂူပေါက်တန်း အသီးသီးတွင် ဗုဒ္ဓပုံ၊ ရသေ့ပုံများ၊ စင်္ကြအတွင်း ပတ်လမ်း အပြင်နံရံအပေါ်ဘက်တွင် အရိုးတပ် စက်ဝိုင်းများအတွင်း ဗြဟ္မာ၊ သီဝ၊ ဗိဿနိုး ပုံများနှင့် အ၀င်ခန်းမဆောင်တွင် ရှေးမွန်ဘာသာဖြင့် ကမ္ပည်းမင်စာ ရေးထိုးထားသည့် ဗုဒ္ဓ၀င် နံရံဆေးရေး ပန်းချီများ ရှိသည်။ အပယ်ရတနာဘုရား တွင် ဇာပြတင်းပေါက် တပ်ဆင်ထားသည်ကို လေ့လာနိုင်ပါသည်။